કિરણ બેદીએ દિલ્હીમાં વાયુ પ્રદૂષણ અંગે ચિંતા વ્યક્ત કરી, વાયુ પ્રદૂષણ ઘટાડવા રોડમેપ શેર કર્યો

નવી દિલ્હી : દિલ્હીમાં સતત વધી રહેલા વાયુ પ્રદૂષણથી ચિંતામાં વધારો થઈ રહ્યો છે. તેમજ તેની માટે કોઈ નક્કર આયોજની માંગ ઉઠી રહી છે. ત્યારે નિવૃત આઈપીએસ અને સામાજિક કાર્યકર્તા કિરણ બેદીએ આ અંગે ચિંતા વ્યકત કરી છે. તેમજ આ અંગે સરકારને શ્વેતપત્ર જાહેર કરવાની માંગ કરી રોડમેપ પણ શેર કર્યો છે.

વાયુ પ્રદૂષણ અંગે ચિંતા વ્યક્ત કરી

કિરણ બેદીએ એક્સ પર પોસ્ટમાં બે ભાગમાં વાયુ પ્રદૂષણ અંગે ચિંતા વ્યક્ત કરી હતી. કિરણ બેદીએ દિલ્હી પ્રદૂષણ સમસ્યા માટે એક બ્લુપ્રિન્ટ પણ શેર કરી છે. જેમાં દિલ્હીમાં વાયુ ગુણવત્તાની સમસ્યાની તપાસ અને વિભાગો દ્વારા નાગરિકો વચ્ચે સંકલન માટે એક રોડમેપ તૈયાર કરવા પર ભાર મુકવામાં આવ્યો છે.

આપણ વાચો: દિલ્હીમાં વધતા વાયુ પ્રદૂષણથી મુશ્કેલી વધી, 50 ટકા કર્મચારીઓને વર્ક ફ્રોમ હોમના આદેશ…

કિરણ બેદીએ વાયુ પ્રદૂષણ ઘટાડવા રોડમેપ શેર કર્યો

આ ઉપરાંત કિરણ બેદીએ કહ્યું કે, જો બધી એજન્સીઓ સુસંગતતા અને સંકલન સાથે પોતાની ભૂમિકા ભજવે તો દિલ્હી-એનસીઆરમાં વાયુ પ્રદૂષણને અસરકારક રીતે નિયંત્રિત કરી શકાય છે. જેમાં તેમણે MoEFCC એ રાષ્ટ્રીય ધોરણો અને બળતણ નિયમો લાગુ કરવા જોઈએ. CAQM એ સમગ્ર NCRમાં સમાન સૂચનાઓ લાગુ કરવી જોઈએ.

પીએમઓ એ તમામ મુખ્ય મંત્રાલયો વચ્ચે સંકલન કરવું જોઈએ. તેમજ રાજ્યના મુખ્યમંત્રી, મુખ્ય સચિવો અને પોલીસ મહાનિર્દેશકોએ નિયમોના અસરકારક અમલીકરણમાં મદદ કરવી જોઈએ.જયારે જિલ્લા મેજિસ્ટ્રેટે અમલીકરણનું નેતૃત્વ કરવું જોઈએ. તેમજ મ્યુનિસિપલ સંસ્થાઓ, પોલીસ અને પ્રદૂષણ બોર્ડે દ્વારા ટ્રાફિક અને ઔદ્યોગિક પાલન ફરજિયાત પણે કરાવવું જોઈએ.

A suggestion—
Part One.
Can a White Paper be prepared of the current challenge of Air Pollution? Fix past accountability. What is the current crisis due to? Who and what failed us. The inheritance?
Part Two.
And where do we go from here to halt the decline? And reverse the…

— Kiran Bedi (@thekiranbedi) November 30, 2025

આપણ વાચો: વાયુ પ્રદૂષણથી દિલ્હીની માઠી દશા! AQI 460ને પાર, 15 સિગારેટ પીવા જેટલું ઝેર હવામાં…

બગડતી હવાની ગુણવત્તાને જાહેર આરોગ્ય કટોકટી ગણાવી

કિરણ બેદીએ એક્સ પર એક પોસ્ટમાં દિલ્હીમાં બગડતી હવાની ગુણવત્તાને જાહેર આરોગ્ય કટોકટી ગણાવી હતી. કિરણ બેદીએ કહ્યું કે શાસન રિમોટ-કંટ્રોલથી કરી શકાતું નથી. તેમણે સરકારી અધિકારીઓને જાહેર સેવા પર ધ્યાન કેન્દ્રિત કરવા અને પ્રદુષિત હવામાં શ્વાસ લેવા વિનંતી કરી.

આ ઉપરાંત તેમણે સવાલ ઉઠાવ્યો કે, સરકારી અધિકારીઓ પોતાની ઓફિસમાં એર પ્યુરિફાયર સાથે કામ કરે છે. પોતાની કારમાં એર પ્યુરિફાયર સાથે મુસાફરી કરે છે અને ઘરે એર પ્યુરિફાયર સાથે રહે છે. તો તેમને બહારની હવાની ગુણવત્તા કેવી રીતે ખબર પડશે.