જમ્મુ કાશ્મીરના કઠુઆમાં સુરક્ષા દળો અને આતંકીઓ વચ્ચે અથડામણ, સર્ચ ઓપરેશન શરૂ

કઠુઆ: જમ્મુ: જમ્મુ કાશ્મીરના કઠુઆ જિલ્લામાં સુરક્ષા દળો અને આતંકવાદીઓ વચ્ચે અથડામણ થઇ છે. જેમાં બિલ્લાવર ક્ષેત્રના કામડ નાલા વિસ્તારમાં આ અથડામણ ચાલી રહી છે. પોલીસને આ વિસ્તારમાં આતંકવાદી ગતિવિધિઓ વિશે ગુપ્ત માહિતી મળી હતી. જેના પગલે SOG ટીમે આ વિસ્તારને ઘેરી લીધો હતો અને સર્ચ ઓપરેશન શરૂ કર્યું હતું. આ દરમિયાન છુપાયેલા આતંકવાદીઓએ સુરક્ષા દળો પર ગોળીબાર કર્યો હતો જેના કારણે સુરક્ષા દળોએ પણ વળતો જવાબ આપ્યો હતો.

સુરક્ષા દળોને ગામમાં મોકલવામાં આવ્યા

આ અંગે સૂત્રોએ જણાવ્યું હતું કે, સાંજે ચાર વાગ્યે બિલાવર પોલીસ સ્ટેશન વિસ્તારના કમાધ નાળામાં સ્થાનિક લોકોએ એક આતંકવાદીને જોયો હતો. સૂત્રોએ કહ્યું આ આતંકવાદી સવારે અન્ય વિસ્તારમાં પણ જોવા મળ્યો હતો. અધિકારીઓએ જણાવ્યું કે તેથી આતંકીને મારવા માટે વધારાના સુરક્ષા દળોને ગામમાં મોકલવામાં આવ્યા હતા.

આ પણ વાંચો : જમ્મુ કાશ્મીરના બારામુલામાં સુરક્ષા દળોનું સર્ચ ઓપરેશન, મળી આવ્યા વિસ્ફોટક અને અન્ય સામગ્રી

બંને તરફથી ફાયરિંગ ચાલુ

આ અંગે મળતી માહિતી મુજબ સુરક્ષા દળોએ ત્રણ આતંકીઓને ઘેરી લીધા છે. જમ્મુના આઈજી ભીમ સેન ટૂટીએ એક્સ હેન્ડલ પર આ માહિતી શેર કરી છે. આ વર્ષ 2026માં પ્રથમ વાર છે જ્યારે આતંકી અને સુરક્ષા દળો વચ્ચે અથડામણ થઇ છે. આ ઓપરેશની દેખરેખ જમ્મુના આઈજી અને કઠુઆના એસએસપી મોહિત શર્મા પોતે કરી રહ્યા છે. હાલમાં બંને તરફથી ફાયરિંગ ચાલુ છે અને ઓપરેશન પણ ચાલી રહ્યું છે.