Karnataka માં ભાજપે હંગામો મચાવ્યો, કૌભાંડ મામલે Congress ને ઘેરી
બેંગલુરુ : કર્ણાટકમાં (Karnataka)ભાજપના નેતાઓએ શુક્રવારે કોંગ્રેસ સરકાર વિરુદ્ધ ઉગ્ર વિરોધ કર્યો. કર્ણાટક મહર્ષિ વાલ્મિકી એસટી ડેવલપમેન્ટ કોર્પોરેશનમાં કથિત ભ્રષ્ટાચારના વિરોધમાં જૂના મૈસૂર પ્રદેશના તમામ જિલ્લાઓમાં ભાજપના નેતાઓએ વિરોધ પ્રદર્શન કર્યા અને કોંગ્રેસની(Congress)આગેવાની હેઠળની કર્ણાટક સરકાર વિરુદ્ધ સૂત્રોચ્ચાર કર્યા.
નેતાઓને કસ્ટડીમાં લેવામાં આવ્યા
મૈસૂર ભાજપના શહેર પ્રમુખ એલ નાગેન્દ્ર, જિલ્લા અધ્યક્ષ એલઆર મહાદેવસ્વામી અને ધારાસભ્ય ટી એસ શ્રીવત્સની આગેવાની હેઠળ ભાજપના કાર્યકરોએ શુક્રવારે મૈસુરમાં બન્નુર રોડ પર જૂના ડેરી સર્કલથી નવી ડીસી ઓફિસ સુધી વિરોધ કૂચ કરી. તેઓએ ડીસી ઓફિસનો ઘેરાવ કરવાનો પ્રયાસ કર્યો હતો. પરંતુ, પોલીસે તેમને અટકાવ્યા હતા અને કેટલાક નેતાઓને કસ્ટડીમાં લેવામાં આવ્યા હતા બાદમાં તેને મુક્ત કરવામાં આવ્યો હતો.
કોર્પોરેશનમાં રૂપિયા 187 કરોડનું કૌભાંડ
ભાજપના શહેર પ્રમુખ એલ નાગેન્દ્રનો આરોપ છે કે વાલ્મિકી કોર્પોરેશનમાં રૂપિયા 187 કરોડનું કૌભાંડ થયું છે અને તેથી મંત્રી બી નાગેન્દ્રએ રાજીનામું આપ્યું છે. શ્રીવત્સે કહ્યું કે વાલ્મિકી કોર્પોરેશનમાં કૌભાંડ સંબંધિત CID તપાસ પૂરતી નથી. તેમણે કહ્યું, તેઓ કોંગ્રેસની ગેરંટી યોજનાઓને અમલમાં મૂકવા માટે ભંડોળનો દુરુપયોગ કરી રહ્યા છે. તે દુર્ભાગ્યપૂર્ણ છે કે કોર્પોરેશન પાસેથી મળેલા ભંડોળનું દારૂની દુકાનો અને ઝવેરાતની દુકાનો જેવી જગ્યાએ રોકાણ કરવામાં આવે છે.
કોંગ્રેસના નેતૃત્વમાં 100 ટકા કમિશનવાળી સરકાર
કોર્પોરેશને તેના નાણાં પાછા મેળવવા જોઈએ. તેનો ઉપયોગ માત્ર ST સમુદાયના કલ્યાણ માટે થવો જોઈએ. તેમણે કહ્યું કે નાણા વિભાગનો હવાલો સંભાળી રહેલા મુખ્યમંત્રી સિદ્ધારમૈયાએ આ કૌભાંડની નૈતિક જવાબદારી લઈને રાજીનામું આપવું જોઈએ. તેમણે આરોપ લગાવ્યો કે કર્ણાટક સરકારે આ કેસ સીબીઆઈને સોંપવો જોઈએ. કોંગ્રેસના નેતાઓએ ભાજપ સરકાર પર 40 ટકા કમિશનવાળી સરકારનો આરોપ લગાવ્યો હતો. પરંતુ ભાજપે આક્ષેપ લગાવ્યો છે કે કોંગ્રેસના નેતૃત્વમાં 100 ટકા કમિશનવાળી સરકાર બની છે.
