નવી દિલ્હી: સમાજવાદી પાર્ટીના રાજ્યસભા સાંસદ અને વરિષ્ઠ વકીલ કપિલ સિબ્બલે જમ્મુ અને કાશ્મીરમાંથી કલમ 370 નાબૂદ કરવા સામે સુપ્રીમ કોર્ટમાં અરજી કરી હતી જેનો ચુકાદો આજે આવ્યો પરંતુ તેનો પહેલા તેમણે એક વિવાદાસ્પદ પોસ્ટ કરી હતી જેમાં કપિલ સિબ્બલે લખ્યું હતું કે કેટલીક લડાઈઓ માત્ર હારવા માટે લડવામાં આવે છે.
આપણો ઈતિહાસ આવનારી પેઢીઓ જાણી શકે તે માટે આવી ઘટનાઓ જરૂરી છે. ઇતિહાસ એ ઐતિહાસિક નિર્ણયોના આધારે બને છે. નોંધનીય છે કે જમ્મુ અને કાશ્મીર રાજ્યને વિશેષ દરજ્જો આપતી બંધારણની કલમ 370ની જોગવાઈઓને રદ કરવાના કેન્દ્રના નિર્ણયને પડકારતી અરજીઓ પર સુપ્રીમ કોર્ટ આજે પોતાનો ચુકાદો આ્યો હતો.
અરજદારો વતી કપિલ સિબ્બલ, ગોપાલ સુબ્રમણ્યમ, રાજીવ ધવન, ઝફર શાહ, દુષ્યંત દવે અને અન્ય વરિષ્ઠ વકીલોએ દલીલો કરી હતી. નોંધનીય છે કે કેન્દ્ર સરકારે અગાઉના જમ્મુ-કાશ્મીર રાજ્યને વિશેષ દરજ્જો આપનાર બંધારણને રદ્દ કરી દીધું હતું. સર્વોચ્ચ અદાલતની બંધારણીય બેંચે પોતાના ચુકાદામાં જણાવ્યું હતું કે કલમ 370 અંગે કેન્દ્ર સરકારનો 5 ઓગસ્ટ, 2019નો નિર્ણય અકબંધ રહેશે. એટલે કે સુપ્રીમ કોર્ટે જમ્મુ-કાશ્મીરમાંથી કલમ 370 નાબૂદ કરવાના નિર્ણયને બંધારણીય રીતે યોગ્ય ગણાવ્યો હતો.
ચુકાદો સંભળાવતી વખતે ચીફ જસ્ટિસ ડીવાય ચંદ્રચુડે ટિપ્પણી કરી હતી કે જમ્મુ અને કાશ્મીર ભારતનું અભિન્ન અંગ છે. અહીં માત્ર ભારતનું બંધારણ લાગુ પડશે. તેની કોઈ આંતરિક સાર્વભૌમત્વ નથી. ત્યાંના રાજા દ્વારા જમ્મુ અને કાશ્મીરની સાર્વભૌમત્વ ભારતને સોંપવામાં આવી હતી. કલમ 370 એક અસ્થાયી જોગવાઈ હતી. રાજ્યમાં યુદ્ધની સ્થિતિને કારણે તે કામચલાઉ હેતુ માટે રજૂ કરવામાં આવી હતી. આમ તેને બંધારણના ભાગ 21માં સ્થાન આપવામાં આવ્યું છે.
જમ્મુ અને કાશ્મીરના વિશેષ દરજ્જાને રદ કરવાના 2019ના રાષ્ટ્રપતિના આદેશની માન્યતા પર પોતાનો ચુકાદો સંભળાવતી વખતે સર્વોચ્ચ અદાલતે કહ્યું હતું કે રાષ્ટ્રપતિની સૂચના પર ટિપ્પણી કરવી યોગ્ય નથી. તેથી તેની વિચારણા કરવામાં આવી નથી.
