જેરૂસલેમ: ઇઝરાયલ ડિફેન્સ ફોર્સિસ (આઇડીએફ) એ ગુરુવારે જણાવ્યું હતું કે તેણે પેલેસ્ટિનિયન આતંકવાદી જૂથ હમાસના એન્ટિ-ટેન્ક મિસાઇલ યુનિટના વડાને હવાઈ હુમલામાં ઠાર કર્યો હતો અને ગાઝામાં હમાસના ડ્રોન ઉત્પાદન પ્લાન્ટ અને હથિયારોના ડેપો શોધ્યો હતો.
આઇડીએફએ એક નિવેદનમાં જણાવ્યું હતું કે ઇઝરાયલી સુરક્ષા એજન્સી (આઇએસએ) અને આઇડીએફની ગુપ્ત માહિતીના આધારે, આઇડીએફનાં ફાઇટર જેટે સેન્ટ્રલ કેમ્પ્સ બ્રિગેડમાં હમાસના એન્ટિ-ટેન્ક મિસાઇલ યુનિટના વડા ઇબ્રાહિમ અબુ-મગસિબને મારી નાખ્યો હતો.
જમીન દળોને સહાયતાના ભાગ રૂપે, ઇઝરાયલી નૌકાદળના દળોએ ગાઝા પટ્ટીમાં આઇડીએફના સૈનિકો પર હુમલો કરવા માટે ઉપયોગમાં લેવાતી હમાસ એન્ટિ-ટેન્ક મિસાઇલ લોન્ચિંગ પોસ્ટ્સ પર હુમલો કર્યો હતો.
હમાસે તરત જ મગસિબના મૃત્યુની પુષ્ટિ કરી ન હતી અથવા નકારી કાઢી ન હતી.
આઇડીએફએ એ પણ કહ્યું હતું કે તેણે ગાઝામાં રહેણાંક મકાનની અંદર સ્થિત હમાસ ડ્રોન ઉત્પાદન પ્લાન્ટ અને હથિયારોનો ડેપો શોધી કાઢ્યો છે.
અમારા સૈનિકોએ યુએવી અને શસ્ત્રોના ઉત્પાદન અને સંગ્રહ માટે ઉપયોગમાં લેવાતા હમાસના શસ્ત્રોના ઉત્પાદન અને સંગ્રહની સુવિધા શોધી કાઢી હતી. આ સ્થળ ઉત્તર ગાઝામાં શેખ રદવાનની મધ્યમાં આવેલી શાળાઓની નજીકમાં રહેણાંક મકાનમાં સ્થિત હતું.
અગાઉ તેણે ઉત્તરી ગાઝા પટ્ટીમાં પશ્ર્ચિમી જબાલિયામાં જમીન ઉપર અને વિસ્તારના ભૂગર્ભમાં હમાસ અને ઇસ્લામિક જેહાદીઓ સાથે દસ કલાકની લડાઈ બાદ હમાસનો મુખ્ય ગઢ જીતી લીધો હોવાની વાત જાહેર કરી હતી. ઉ
