સંસદનું શિયાળુ સત્ર તોફાની થવાના આસાર, SIRઅને દિલ્હી બ્લાસ્ટ સહિતના મુદ્દે વિપક્ષ આક્રમક
નવી દિલ્હી : દિલ્હીમાં 01 ડિસેમ્બરથી શરુ થનારું સંસદનું શિયાળુ સત્ર તોફાની થવાના આસાર છે. જેમાં આ વખતે સંસદના સત્રમાં મુખ્યત્વે SIR, દિલ્હી બ્લાસ્ટ અને દિલ્હીમાં વધતા વાયુ પ્રદુષણ મુદ્દે વિપક્ષ સત્તાધારી પક્ષ પર પસ્તાળ પાડશે. તેમજ સત્રના યોગ્ય સત્રના સંચાલન માટે આજે મળેલી સર્વપક્ષીય બેઠકમાં SIR મુદ્દે સરકાર અને વિપક્ષ વચ્ચેના મડાગાંઠનો ઉકેલ આવ્યો ન હતો. સંસદનું શિયાળુ સત્ર 1 ડિસેમ્બરથી શરૂ 19 ડિસેમ્બર સુધી ચાલુ રહેશે.
રાજનાથસિંહની અધ્યક્ષતામાં સર્વપક્ષીય બેઠક યોજાઈ
સંસદના સત્ર પૂર્વે રવિવારે સંરક્ષણ પ્રધાન રાજનાથસિંહની અધ્યક્ષતામાં સર્વપક્ષીય બેઠક યોજાઈ હતી. જે લગભગ અઢી કલાક ચાલી હતી. અ બેઠકમાં SIR મુદ્દે સરકાર અને વિપક્ષ વચ્ચેના મડાગાંઠનો ઉકેલ લાવવામાં નિષ્ફળ ગયા. સંરક્ષણ પ્રધાન રાજનાથ સિંહ, ભાજપના રાષ્ટ્રીય અધ્યક્ષ જે.પી. નડ્ડા અને સંસદીય બાબતોના પ્રધાન કિરેન રિજિજુએ આ મહત્વપૂર્ણ બેઠકમાં સરકારનું પ્રતિનિધિત્વ કર્યું હતું.
50 નેતાઓ બેઠકમાં હાજર રહ્યા
જયારે કોંગ્રેસના નેતાઓમાં ગૌરવ ગોગોઈ, પ્રમોદ તિવારી અને જયરામ રમેશ, સમાજવાદી પાર્ટીના નેતા રામ ગોપાલ યાદવ, આરજેડી નેતા મનોજ ઝા, બીજેડી નેતા સસ્મિત પાત્રા, ડીએમકે નેતા ટીઆર બાલુ, ટીએમસી નેતા કલ્યાણ બેનર્જી અને ડેરેક ઓ’બોયનનો સમાવેશ થાય છે. કુલ મળીને, 36 પક્ષોના આશરે 50 નેતાઓ બેઠકમાં હાજર રહ્યા હતા.
આ પણ વાંચો…સંસદના શિયાળુ સત્રમાં ચંદીગઢ અંગે કોઈ બિલ નહીં: વિરોધ બાદ ગૃહ વિભાગે કરી સ્પષ્ટતા…
