નેશનલ

કર્ણાટકઃ મારા દીકરાને સખત સજા આપોઃ હત્યારાના પિતાની પણ માગણી

હુબલીઃ કર્ણાટકના હુબલીમાં એક કોલેજ કેમ્પસમાં કોંગ્રેસ કાઉન્સિલરની પુત્રીની હત્યા કેસના આરોપીના પિતાએ તેમના પુત્રને મહત્તમ સજાની માંગ કરી છે. આરોપી 24 વર્ષીય ફૈયાઝના પિતાએ પણ મૃતક નેહાના પરિવારની માફી માંગી છે. ફૈયાઝના પિતા બાબા સાહેબ સુબાનીએ શનિવારે મીડિયા સાથે વાત કરી હતી. તેમણે જણાવ્યું કે તેમને ગુરુવારે સાંજે 6 વાગ્યે આ ઘટનાની જાણકારી મળી.

બાબા સાહેબ સુબાનીએ કહ્યું કે ફૈયાઝને એવી સજા મળવી જોઈએ, જેના પછી કોઈ આવા ગુના કરવાની હિંમત ન કરે. હું નેહાના પરિવારની માફી માંગુ છું. તે મારી દીકરી જેવી હતી. તેણે વધુમાં જણાવ્યું કે તે અને તેની પત્ની છેલ્લા છ વર્ષથી અલગ રહે છે. ફૈયાઝ તેની માતા સાથે રહે છે.


જ્યારે પણ ફૈયાઝને પૈસાની જરૂર પડતી ત્યારે તે તેના પિતાનો સંપર્ક કરતો હતો. તેણે વધુમાં જણાવ્યું હતું કે છેલ્લી વખત તેણે તેના પુત્ર સાથે ત્રણ મહિના પહેલા વાત કરી હતી.

ફૈયાઝના પિતાએ જણાવ્યું કે નેહાના પરિવારે આઠ મહિના પહેલા તેમનો સંપર્ક કર્યો હતો. તેઓએ (નેહાના પરિવારે) જણાવ્યું કે ફૈયાઝ તેમની પુત્રીને હેરાન કરતો હતો. પોતાના પુત્રની ભૂલ સ્વીકારતા બાબા સાહેબ સુબાનીએ કહ્યું કે ફૈયાઝ અને નેહા એકબીજાને પ્રેમ કરતા હતા અને રિલેશનશિપમાં હતા. તેણે આગળ કહ્યું, ફૈયાઝ નેહા સાથે લગ્ન કરવા માંગતો હતો, પરંતુ મેં હાથ જોડીને ના પાડી.


તેમણે એમ પણ કહ્યું કે ફૈયાઝના આ કાંડને લીધે લોકો અમારા શહેર મુનવલ્લી પર પણ આંગળી ઉઠાવવા લાગ્યા છે, હું મારા શહેરના લોકોની પણ માફી માગું છું. કોઈને પણ આ રીતે મહિલા પર અત્યાચાર કરવાનો હક નથી. ફૈયાઝને સખત સજા થવી જોઈએ.

Show More

Related Articles

Leave a Reply

Your email address will not be published. Required fields are marked *

Back to top button
વૃદ્ધ થતાં આવા દેખાશે આ Bollywood Celebs, Salman Khanને જોઈને તો… Shloka Mehtaનો એ ખાસ ડ્રેસ કે જેનું સુશાંત સિંહ રાજપૂત સાથે છે કનેક્શન… સોનાક્ષી- ઝહિર પહેલા આ ફિલ્મ સ્ટાર્સ કરી ચૂક્યા છે inter caste marriage વડા પાવ વેચીને બની ગઈ સ્ટાર, એક દિવસની કમાણી જાણશો તો…