Holi Tips and Tricks: કપડાં પરથી આ રીતે હોળીના રંગોને દૂર કરો, જાણી લો થોડી મહત્વની ટિપ્સ
Happy Holi: ભારત સહિત દુનિયાના ખુણે-ખુણે વસતા ભારતીયો આજે ધામધુમથી હોળીનો તહેવાર ઉજવી રહ્યા છે. એક બીજાને રંગ નાખીને ધૂળેટીના તહેવારમાં લોકો પ્રેમ અને આત્મીયતાનો સંદેશો આપે છે. નાના મોટા સૌ કોઈ લોકો પરસ્પરના મન દુ:ખ ભુલાવીને એક બીજાને રંગ લગાવીને ગળે મળે છે અને શુભેચ્છાઓ પાઠવે છે. પરંતુ આ બધાની વચ્ચે ઘણા લોકો તેવા પણ હોય છે કે હોળીના તહેવારમાં રંગોથી દૂર રહેતા હોય છે. પોતાના શરીર પર કે વાળ પર કે પછી કપડાં પર રંગ લાગે તે ગમતું હોતું નથી. તેમ છતાં પણ મિત્રો રંગ લગાવી દેતા હોય છે અને કપડાં બગડી જતાં હોય છે. તો આજે આપણે આ લેખમાં જાણીશું કે હોળીના રંગો કપડાંમાંથી કઈ રીતે કાઢી શકાય? (How to remove holi colors from cloths)
કપડાંમાંથી હોળીના રંગ કાઢવાની ટિપ્સ (Tips to remove holi colors)
1 લીંબુ: સૌથી પહેલા, રંગ લાગેલા કપડાને એક વખત સ્વચ્છ પાણીથી સાફ કરો. પછી અડધી ડોલ હૂંફાળા પાણીમાં સાબુ અથવા સર્ફ લગાવીને તેને સાફ કરો. હવે જ્યાં પણ ગુલાલ કે રંગના ડાઘ હોય ત્યાં લીંબુનો રસ લગાવીને ઘસો. લીંબુના રસમાં થોડો ખાવાનો સોડા મિક્સ કરો. તમે પાણીથી એક પોણા ભાગની ડોલ ભરો. સાથે જ તેમાં લીંબુનો રસ અને ખાવાનો સોડા મિક્સ કરો, તેમાં કપડાં ડુબાડીને 20 મિનિટ સુધી રાખો અને પછી તેને સાફ કરો.
2 આલ્કોહોલ: સૌ પ્રથમ કપડાને હુંફાળા પાણીમાં નાખીને સારી રીતે સાફ કરો. હવે એક બાઉલમાં 2-3 ચમચી કોઈપણ આલ્કોહોલ લો અને તેમાં એક ચમચી પાણી મિક્સ કરો. આ પ્રવાહીને ડાઘવાળી જગ્યા પર લગાવો અને ઘસો. પછી તેને થોડી વાર રહેવા દો અને કપડાને સાદા પાણીથી ધોઈ લો.
3 વિનેગર: સફેદ સરકો તમારા ફ્રીજમાં હોવો જોઈએ. આની મદદથી તમે કપડાં પરથી ગુલાલના ડાઘા સરળતાથી દૂર કરી શકો છો. સૌપ્રથમ કપડાંને પાણીથી ધોઈ લો. હવે ડોલનો ચોથો ભાગ પાણીથી ભરો. તેમાં 2-3 ચમચી સફેદ વિનેગર નાખીને તેમાં કપડાં ડુબાડીને થોડી વાર રહેવા દો. હવે કપડાને હળવા હાથે ઘસો અને તેને સાદા પાણીથી ધોઈ લો.
4 ટૂથપેસ્ટ: જ્યાં હોળીના રંગના ડાઘા પડ્યા હોય ત્યાં ટૂથપેસ્ટ લગાવો. 15 મિનિટ માટે આ રીતે રહેવા દો. હવે કપડાને ઘસીને સાફ કરવાનો પ્રયાસ કરો. તમે આ બે-ત્રણ વખત કરી શકો છો. આ બધા હેક્સ અજમાવો, હોળીના રંગો અને કપડામાંથી ગુલાલ ઉતરી જશે. ધ્યાનમાં રાખો કે આ ટિપ્સ હળવા અથવા હળવા રંગના કપડાંને સાફ કરવા માટે અસરકારક હોઈ શકે છે, પરંતુ જો આખા કપડામાં રંગો ભરેલા હોય તો તેનો ઉપયોગ ન કરવો તે વધુ સારું છે.
