જોધપુરઃ બાળકોમાં હાલ મોબાઈલનો ઉપયોગ વધી રહ્યો છે. જેને લઈ જોધપુર હાઈ કોર્ટે મોટો ચુકાદો આપ્યો હતો. કોર્ટ 16થી ઓછી વયના બાળકોના મોબાઇલ-સોશિયલ મીડિયા અંગે કડક ગાઈડલાઈન બનાવવા તથા એકથી વધુ વ્યક્તિના નામ પર ત્રણથી વધારે સિમ કાર્ડ આપવા પ્રતિબંધ લગાવવાનો આદેશ આપ્યો હતો.
કોર્ટે બાળકો દ્વારા મોબાઇલ ફોન અને સોશિયલ મીડિયાના દુરુપયોગની ગંભીરતા નોંધીને શિક્ષણ વિભાગને નિર્દેશ આપ્યો હતો. શાળાઓમાં મોબાઈલ ફોન, ઓનલાઈન ગેમ્સ અને સોશિયલ મીડિયાના ઉપયોગ અંગે 16 વર્ષથી ઓછી ઉંમરના બાળકો માટે કડક એસઓપી બનાવવા આદેશ આપ્યો હતો.
આ પણ વાંચો: પેરેન્ટ્સ ચેતી જજો! મોબાઇલ ફોનનું વ્યસન નાના બાળકોને નબળા બનાવી રહ્યું છે
સાયબર છેતરપિંડીમાં બેંકિંગ સિસ્ટમનો દુરુપયોગ થતો હોવાથી, કોર્ટે બેંકોને પણ કડક સૂચનાઓ આપી હતી. તમામ બેંકો અને ફિનટેક કંપનીઓએ ‘મ્યુલ એકાઉન્ટ્સ’ અને શંકાસ્પદ વ્યવહારો શોધવા માટે RBI દ્વારા વિકસિત ‘મ્યુલ હન્ટર’ જેવા AI ટૂલ્સનો ઉપયોગ કરવા જણાવાયું હતું. તેમજ ડિજિટલ અરેસ્ટ અટકાવવા માટે તમામ બેન્કો, નાણાકીય સંસ્થાઓ અને ફિનટેક કંપનીઓ માટે સંયુક્ત SOP જારી કરવાનો નિર્દેશ પણ આપવામાં આવ્યો હતો.
અહેવાલો અનુસાર, 84 વર્ષીય એક દંપતી સાથે 2 કરોડ રૂપિયાની છેતરપિંડી કરનારા બે આરોપીઓના જામીન ફગાવી દેતા ન્યાયાધીશ રવિ ચિરાનિયાએ સરકાર, પોલીસ અને બેંકોને આ સૂચનાઓ આપી હતી.
