નેશનલ

વર્લ્ડ કપમાં નેધરલેન્ડ્સ સામેની મેચ અગાઉ હાર્દિક પંડ્યાની વાપસી મુશ્કેલ

મુંબઇ: ભારતનો સ્ટાર ઓલરાઉન્ડર હાર્દિક પંડ્યા બેંગલૂરુમાં ૧૨ નવેમ્બરે નેધરલેન્ડ્સ સામેની ટીમની છેલ્લી લીગ મેચ પહેલા વાપસી કરે તેવી શક્યતા ખૂબ જ નહીવત છે. નોંધનીય છે કે ૧૯ ઑક્ટોબરે બંગલાદેશ સામેની મેચમાં પોતાની જ બોલિંગ પર ફિલ્ડિંગ કરતી વખતે પંડ્યાને ઈજા થઈ હતી.હાર્દિક પંડ્યા ઇજાના કારણે ન્યૂઝીલેન્ડ અને ઈંગ્લેન્ડ સામે રમી શક્યો નથી અને ગુરુવારે શ્રીલંકા અને પાંચ નવેમ્બરે દક્ષિણ આફ્રિકા સામે રમી શકશે નહીં. ભારતે તેની છેલ્લી લીગ મેચ નેધરલેન્ડ્સ સામે ૧૨ નવેમ્બરે બેંગલૂરુમાં રમવાની છે.

બીસીસીઆઈના એક સૂત્રએ કહ્યું, “તે ઝડપથી સ્વસ્થ થઈ રહ્યો છે અને છેલ્લી લીગ મેચ રમી શકશે. એ પણ શક્ય છે કે તે સીધો સેમિફાઇનલમાં મેદાનમાં ઉતરશે. અત્યાર સુધીની તમામ છ મેચ જીતી ચૂકેલી ભારતીય ટીમનું સેમિફાઇનલમાં પ્રવેશ નિશ્ર્ચિત છે.

પંડ્યાની ખોટ પુરવા માટે સૂર્યકુમાર યાદવને ટીમમાં છઠ્ઠા નંબર પર સામેલ કરવામાં આવ્યો છે જ્યારે પાંચ બોલર સાથે ટીમ ઇન્ડિયા રમી રહી છે. મોહમ્મદ શમીનું શાનદાર ફોર્મ જોઈને ટીમને બોલર તરીકે પંડ્યાની ખોટ વર્તાઇ રહી નથી પરંતુ તેની હાજરી ટીમના સંતુલન માટે ખૂબ જ મહત્ત્વપૂર્ણ છે. પંડ્યા હાલમાં બેંગલૂરુની નેશનલ ક્રિકેટ એકેડમીમાં છે.

Show More

Related Articles

Leave a Reply

Your email address will not be published. Required fields are marked *

Back to top button
WhatsApp પર નથી જોઈતું Meta AI? આ રીતે દૂર કરો ચપટી વગાડીને… વરસાદમાં ક્યા શાકભાજી ખાશો? સવારે બ્રશ કર્યા બાદ આ પાણીથી કરો કોગળા ભારત ત્રણ વાર ક્રિકેટમાં વર્લ્ડ ચૅમ્પિયન બન્યું છે, હવે ચોથો સુવર્ણ અવસર આવી ગયો