૧૯૫ દેશની મહિલાઓએ બનાવ્યો વર્લ્ડ રેકોર્ડ: ભારતીય મૂળની અસ્મા ખાન પણ સામેલ…
નવી દિલ્હી: ૧૯૫ દેશની મહિલાએ “૧૯૫” નામનાં ગીતમાં ભાગ લઈને સંગીત રેકોર્ડિંગમાં ગાયન કરવા માટે મોટા ભાગના દેશની રાષ્ટ્રીયતા માટે ગિનિસ વર્લ્ડ રેકોર્ડમાં સ્થાન મેળવ્યું છે અને ભારતમાં જન્મેલી બ્રિટિશ રેસ્ટોરાંના માલિક અસ્મા ખાને એમાં ભાગ લીધો હતો.
આ ગીત લૈંગિક સમાનતા વિશે જાગૃતિ લાવવા અને ધ્વનિ ઉપચાર ફ્રીક્વન્સીઝની પરિવર્તનશીલ શક્તિ દ્વારા લોકોને ઉત્થાન આપવા માટે વૈશ્વિક ચળવળને વેગ આપવા માટે બનાવવામાં આવ્યું છે.
યુએસ ગ્રેમી-નોમિનેટેડ અને મલ્ટી-પ્લેટિનમ સંગીત નિર્માતા મેજોર, માર્ટિના ફુક્સ, કિંગ્સલી એમ, બ્રાન્ડન લી અને એરોન ડોસન દ્વારા સહ-સ્થાપિત, ફ્રીક્વન્સી સ્કૂલે એક શક્તિશાળી અને સાર્વત્રિક ઝુંબેશનું નિર્માણ કર્યું છે જેનો પ્રીમિયર ૨૦થી ૨૪ જાન્યુઆરી દરમિયાન સ્વિટ્ઝર્લૅન્ડના દાવોસ-ક્લોસ્ટર્સમાં વર્લ્ડ ઇકોનોમિક ફોરમની ૫૫મી વાર્ષિક બેઠક દરમિયાન થયો હતો.
પૃથ્વી પરના દરેક દેશને દર્શાવતું ઇતિહાસનું પહેલું ગીત બનાવવાનું મારું હંમેશા સ્વપ્ન રહ્યું છે. અમારું વિઝન લૈંગિક સમાનતા અને મહિલાઓ અને છોકરીઓના અધિકારોની હિમાયત કરવા અને માનસિક સ્વાસ્થ્ય સમસ્યાઓથી પીડાતા લોકોને મદદ કરવા માટે આ અગ્રણી અને ગ્રાઉન્ડબ્રેકિંગ પહેલમાં જીવનના તમામ ક્ષેત્રોની ૧૯૫ સામાન્ય મહિલાઓને એક કરવાનું હતું,” એમ ફુક્સે કહ્યું હતું, જે “૧૯&” ના એક્ઝિક્યુટિવ નિર્માતા પણ છે.
એમણે કહ્યું કે “આ રેકોર્ડ તોડવો એ ફક્ત શરૂઆત છે, અમે આપણા વિશ્વને વધુ શાંતિપૂર્ણ સ્થળ બનાવવાના વૈશ્વિક મિશન પર છીએ. યુકેમાં ઇમિગ્રન્ટ અને નેટફ્લિક્સના શેફ્સ ટેબલની સ્ટાર, અસ્મા ખાન, યુકેની સૌથી પ્રખ્યાત મહિલા શેફમાંની એક છે.
તે દાર્જિલિંગ એક્સપ્રેસની સ્થાપક અને માલિક છે, જે લંડન સ્થિત એક જાણીતી ભારતીય રેસ્ટોરાં છે, જે તેના સંપૂર્ણ મહિલા રસોડા અને ઘરેલું ભારતીય ભોજન માટે જાણીતી છે. આ રેસ્ટોરન્ટમાં ખાનના પરિવારની વાનગીઓ અને કોલકાતામાં તેમના ઉછેર સમયની રસોઈની વાનગીઓ રજૂ કરવામાં આવે છે.
આપણ વાંચો : ભારતના શહેરે એક દિવસમાં 11 લાખ વૃક્ષો વાવીને વર્લ્ડ રેકોર્ડ બનાવ્યો