દિલ્હીના ખરાબ હવામાનમાં ફ્લાઇટ લેન્ડિંગમાં મુશ્કેલી, પાયલોટની સમય સૂચકતાએ મુસાફરોના જીવ બચાવ્યા

નવી દિલ્હી: દેશમાં હવામાન વિભાગની આગાહીના પગલે દિલ્હીમાં શનિવારે ભારે પવન ફુંકાયો છે. જેના પગલે રાયપુરથી દિલ્હી આવી રહેલી ઇન્ડિગો ફ્લાઇટને મોટી મુશ્કેલીનો સામનો કરવો પડ્યો. જ્યારે દિલ્હી એરપોર્ટ પર પહોંચતાની સાથે જ અચાનક ધૂળનું જોરદાર તોફાન આવ્યું હતું. આ ખરાબ હવામાન અને 80 કિમી પ્રતિ કલાકની ઝડપે પવન ફૂંકાતા વિમાનને લેન્ડિંગ પહેલા જ પાછું ઉડવું પડ્યું. તેમજ પાયલોટની સમય સૂચકતાએ મુસાફરોના જીવ બચાવી લીધા હતા.

લેન્ડિંગ પહેલા હવામાન બદલાયું

આ ઇન્ડિગો ફ્લાઇટ તેના નિર્ધારિત સમયે રાયપુરથી દિલ્હી માટે રવાના થઈ. પરંતુ વિમાન દિલ્હી એરપોર્ટ પર ઉતરવાના જ સમયે હવામાનમાં અચાનક પલટો આવ્યો. દિલ્હીમાં ધૂળનું જોરદાર તોફાન શરૂ થયું.જેના કારણે રનવે પર વિજીબીલીટી ઘણી ઓછી થઈ ગઈ. જ્યારે વિમાન લેન્ડિંગની તૈયારી કરી રહ્યું હતું. ત્યારે પાયલોટે મુસાફરોને જાણ કરી કે હવામાન અનુકૂળ નથી અને પવનની ગતિ 80 કિમી પ્રતિ કલાકની ઝડપે પહોંચી ગઈ છે. આવી સ્થિતિમાં પરત ઉડવાનું નક્કી કર્યું.

આ પણ વાંચો: સુરત ઈન્ટરનેશનલ એરપોર્ટ પર આગ લાગતાં 3 ફ્લાઇટ-હેલિકોપ્ટરને ડાઈવર્ટ કરાયાં

મુસાફરો ગભરાઈ ગયા હતા

તેની બાદ પાયલોટે વિમાનને સલામત ઊંચાઈ પર લીધું અને પછી એરપોર્ટની આસપાસ ઘણી વખત ચક્કર લગાવ્યું જેથી હવામાન થોડું સ્પષ્ટ થઈ શકે અને ઉતરાણ સુરક્ષિત થઈ શકે. આ સમય દરમિયાન મુસાફરો ચોક્કસપણે થોડા ગભરાઈ ગયા હતા. પરંતુ પાયલોટે સમયાંતરે જાહેરાતો કરીને બધાને ખાતરી આપી કે પરિસ્થિતિ નિયંત્રણમાં છે.

પાયલોટની હાજરીથી દુર્ઘટના ટળી

આ ઘટના પછી ફ્લાઇટ ક્રૂ અને પાયલોટની હાજરીથી પ્રશંસા કરવામાં આવી રહી છે કારણ કે જો આવા હવામાનમાં ફરજિયાત લેન્ડિંગનો પ્રયાસ કરવામાં આવ્યો હોત તો મોટી દુર્ઘટના સર્જાઈ શકી હોત. જ્યારે હવામાન થોડું સામાન્ય થયું ત્યારે પાયલોટે દિલ્હી એરપોર્ટ પર વિમાનને સુરક્ષિત રીતે લેન્ડ કરાવ્યું. વિમાનના લેન્ડિંગ બાદ મુસાફરોએ રાહતનો શ્વાસ લીધો અને ઘણા મુસાફરોએ પાયલોટ અને એરલાઇન સ્ટાફનો આભાર માન્યો હતો.