નવી દિલ્હી: આજે આમ આદમી પાર્ટી (AAP) દિલ્હીમાં વડાપ્રધાનના નિવાસનો ઘેરાવ કરશે.ખાસ કાયદો અને વ્યવસ્થાની સ્થિતિને જોતા રાજધાનીમાં ટ્રાફિકને અસર થશે. પોલીસે ટ્રાફિક એડવાઈઝરી જાહેર કરી છે. ઘર છોડતા પહેલા વાંચો. નવી દિલ્હીમાં આજે ટ્રાફિકને અસર થઈ શકે છે. ટ્રાફિક પોલીસે જણાવ્યું હતું કે તુગલક રોડ, સફદરજંગ રોડ અને કેમલ અતાતુર્ક માર્ગ પર કોઈપણ વાહનને ક્યાંય રોકવા અથવા પાર્ક કરવાની મંજૂરી આપવામાં આવશે નહીં.
દિલ્હીમાં સુરક્ષા વ્યવસ્થા વધારવામાં આવીઆજે આમ આદમી પાર્ટી દારૂ નીતિ કેસમાં દિલ્હીના મુખ્યપ્રધાન અરવિંદ કેજરીવાલની ધરપકડના વિરોધમાં અને પીએમના નિવાસસ્થાને ઘેરાવો કરી રહી છે. જેના કારણે પટેલ ચોક મેટ્રો સ્ટેશનની બહાર ભારે સુરક્ષાબળ તૈનાત કરવામાં આવ્યું છે.
AAP આજે PM આવાસનો ઘેરાવ કરશેએન્ફોર્સમેન્ટ ડિરેક્ટોરેટની ટીમે ગુરુવારે મોડી સાંજે દિલ્હીના મુખ્યપ્રધાન અરવિંદ કેજરીવાલના ઘરેથી દારૂના કથિત કૌભાંડના સંબંધમાં ધરપકડ કરવામાં આવી હતી. જે બાદ આમ આદમી પાર્ટી રસ્તા પર ઉતરી આવી હતી. કેજરીવાલની ધરપકડ સામે આમ આદમી પાર્ટી (AAP) અને અન્ય રાજકીય પક્ષોએ રાષ્ટ્રીય રાજધાની સહિત દેશભરમાં વિરોધ પ્રદર્શન શરૂ કર્યા. કેજરીવાલની ધરપકડના વિરોધમાં આજે આમ આદમી પાર્ટી પીએમના નિવાસસ્થાને ઘેરાવ કરશે.
ટ્રાફિક પોલીસે એડવાઈઝરી જાહેર કરીવધુમાં જણાવવામાં આવ્યું હતું કે જનતા માટે સામાન્ય પ્રવેશની મંજૂરી આપવામાં આવશે નહીં. રસ્તાઓ પર પાર્ક કરાયેલા વાહનોને દૂર કરવામાં આવશે અને અયોગ્ય પાર્કિંગ અને કાયદાકીય સૂચનાના અનાદર બદલ કાર્યવાહી કરવામાં આવશે. જો જરૂરી હોય તો, કાલી બારી માર્ગ ડાયવર્ઝન પોઈન્ટ પર ટોઈંગ કરેલા વાહનોને ટ્રાફિકના પોઈન્ટમાં પાર્ક કરવામાં આવશે.
31 માર્ચે રામલીલા મેદાનમાં રેલીINDI ગઠબંધન 31 માર્ચે રામલીલા મેદાનમાં કેન્દ્ર સરકાર વિરુદ્ધ રેલીનું આયોજન કરશે. આ સમય દરમિયાન, INDI ગઠબંધનના નેતાઓ દેશને બચાવવા અને સરમુખત્યારશાહીનો અંત લાવવા માટે અવાજ ઉઠાવશે. ત્યાંથી આપણે સાથે મળીને દેશની અંદર સંયુક્ત લડાઈ વધારીશું. આ વાતો દિલ્હી કોંગ્રેસ અને AAPની સંયુક્ત પ્રેસ કોન્ફરન્સમાં કહેવામાં આવી હતી. કોંગ્રેસે કહ્યું કે દેશની લોકશાહી પર હુમલો થઈ રહ્યો છે. વિપક્ષને ખતમ કરવા માટે ષડયંત્ર રચવામાં આવી રહ્યું છે.
