દિલ્હી વિસ્ફોટ કેસમાં નવો ખુલાસો, શાહીનના ફ્લેટમાંથી મળ્યા 18.50 લાખ રૂપિયા અને દાગીના
નવી દિલ્હી : દિલ્હી વિસ્ફોટ કેસમાં ઝડપાયેલી આતંકવાદી સંગઠન જૈશ-એ-મોહમ્મદની મહિલા પાંખની કમાન્ડર ડો. શાહીન અંગે નવા ખુલાસા પ્રકાશમાં આવ્યા છે. જેમાં મળતી માહિતી મુજબ શાહીન વર્ષ 2014 થી 2018 ચાર વર્ષ સાઉદી અરેબિયામાં રહી હતી. ત્યાં મેડિકલ કોલેજમાં પ્રોફેસર તરીકે કામ કર્યું. તેમજ વર્ષ 2018 માં ભારત પરત ફર્યા બાદ 2021 સુધી ત્રણ વર્ષ ઘરે રહી. જયારે અલ ફલાહ યુનિવર્સિટીમાં ડૉ. શાહીનના ફ્લેટમાંથી લોકરમાંથી રોકડ અને દાગીના મળી આવ્યા હતા.
આતંકવાદી સંગઠનના સંપર્કમાં આવી
તેની બાદ તેણે અલ ફલાહ યુનિવર્સિટીમાં પ્રોફેસરશીપ મેળવી હતી. તપાસ એજન્સીના સૂત્રો અનુસાર સાઉદી અરેબિયાથી પરત ફર્યા પૂર્વે આતંકવાદી સંગઠનના સંપર્કમાં આવી હતી. આ ત્રણ વર્ષના ગેરહાજરી દરમિયાન તે આતંકવાદી પ્રવૃત્તિઓમાં સામેલ થઈ ગઈ અને તેના નેટવર્કનો વિસ્તાર કરવાનું શરૂ કર્યું. આ સમયગાળા દરમિયાન તેને આતંકવાદી ભંડોળમાંથી નોંધપાત્ર ભંડોળ મળ્યું હતું.
આ પણ વાંચો: દિલ્હી વિસ્ફોટ કેસમાં એનઆઈએની મોટી કાર્યવાહી, ઓટો ડ્રાઈવરના ઘરેથી ગ્રાઈન્ડર જપ્ત કર્યું…
મુઝમ્મિલ જોડે નિકટતા વધારી હતી
વર્ષ 2021 માં અલ ફલાહ યુનિવર્સિટીમાં જોડાયા પછી તેણે વ્હાઇટ કોલર ટેરર મોડ્યુલના અન્ય ડોકટરો સાથે સંપર્કો સ્થાપિત કર્યા. તેણે ડૉ. મુઝમ્મિલ જોડે નિકટતા વધારી હતી અને તેમનો સંબંધ પ્રેમ અને લગ્ન સુધી આગળ વધ્યો. જેનો હેતુ તેમના નેટવર્કને વિસ્તૃત કરવાનો અને અન્ય લોકોને સામેલ કરવાનો પણ હતો.
આ પણ વાંચો: દિલ્હી વિસ્ફોટ બાદ EDએ અલ ફલાહ યુનિવર્સિટીના ચેરમેનની કરી ધરપકડ: જાણો આરોપ…
અત્યાર સુધી આ કેસની તપાસ જમ્મુ અને કાશ્મીર પોલીસ અને દિલ્હી સ્પેશિયલ સેલ દ્વારા કરવામાં આવી છે. બંને ટીમોએ અલ ફલાહ યુનિવર્સિટીમાં ડૉ. શાહીનના ફ્લેટ નંબર 32 માં લોકર અને અન્ય વસ્તુઓની તપાસ કરી. આ ટીમને ત્યાં એક ડિજિટલ લોકર પણ મળ્યું, જે તેઓ પહેલા ખોલી શક્યા ન હતા. ગુરુવારે રાત્રે એનઆઈએની ટીમ ડૉ. શાહીનને ઓળખ માટે લાવી અને તેમને ડિજિટલ લોકર ખોલાવ્યું હતું.
લોકરમાંથી 18.50 લાખ રૂપિયા રોકડા સોનાના બિસ્કિટ મળ્યા
જ્યારે લોકર ખોલવામાં આવ્યું ત્યારે ઘણા પેકેટ મળી આવ્યા હતા. જેમાંદરેકમાં ખાખી રંગની ટેપ હતી. જ્યારે શાહીનને તેમના વિશે પૂછવામાં આવ્યું ત્યારે તેણે કહ્યું કે પેકેટમાં વસ્તુઓ હતી. પેકેટ ખોલતાં તેમાં 500 રૂપિયાની નોટો ભરેલી મળી આવી. આ બધા પેકેટ ખોલતાં 18.50 લાખ રૂપિયા રોકડા, બે સોનાના બિસ્કિટ અને દાગીના મળી આવ્યા. સોનાના બિસ્કિટ અને દાગીનાનું કુલ વજન 300 ગ્રામ હોવાનું જાણવા મળ્યું. ટીમે લોકરમાંથી સાઉદી અરેબિયાનું ચલણ પણ જપ્ત કર્યું છે.
