નવી દિલ્હી : ભારતના યુવાનો દ્વારા અમેરિકા બાદ કેનેડામાં સ્થાયી થવામાં અનેક પ્રયાસો કરવામાં આવે છે. આ દેશ યુવાનો માટે શિક્ષણ, રોજગાર અને સારી જીવનશૈલી માટે એક લોકપ્રિય છે. પરંતુ કેનેડામાં પીઆર મેળવવું સરળ નથી. કેનેડામાં સ્થાયી નિવાસ( પીઆર) મેળવવા માટે સરકારે એક્સપ્રેસ એન્ટ્રી સિસ્ટમ હેઠળ સીઆરએસનું માપદંડ રાખ્યું છે. સીઆરએસ ઉમેદવારની ઉંમર, શિક્ષણ, કાર્ય અનુભવ, અંગ્રેજી અથવા ફ્રેન્ચ ભાષાની નિપુણતા અને કૌટુંબિક સ્થિતિ જેવા પરિબળોના આધારે નક્કી કરે છે. જેમાં ઉમેદવારનો સીઆરએસ સ્કોર જેટલો ઊંચો હશે તેટલું પીઆર માટેની સંભાવના વધારે છે.
ઉમેદવારો 1,200 પોઇન્ટ મેળવી શકે
સીઆરએસ એક એક પોઇન્ટ-આધારિત સિસ્ટમ છે. જેમાં ઉમેદવારો 1,200 પોઇન્ટ મેળવી શકે છે. આ પોઇન્ટ્સને ચાર મુખ્ય શ્રેણીઓમાં વિભાજિત કરવામાં આવ્યા છે. જેમાં હ્યુમન કેપિટલ ફેક્ટર જેમાં ઉંમર, શિક્ષણ, ભાષા નિપુણતા અને કાર્ય અનુભવ મહત્વના છે. જયારે બીજા ફેક્ટરમાં લગ્ન આધારિત માહિતી જેમાં પતિ/ પત્ની ની ભાષાની નિપુણતાને ધ્યાનમાં લેવામાં આવે છે. તેની બાદ ત્રીજું ફેક્ટર જે સ્કોરમાં મહત્વનું છે તે સ્કીલ છે જેમાં શિક્ષણ અને અનુભવને ધ્યાનના રાખીને વધારવા અંક આપવામાં આવે છે. આ ઉપરાંત ચોથા પરિબળમાં કેનેડાની
યુનિવર્સીટીમાં અભ્યાસ અથવા તો તેની ડીગ્રીને ધ્યાનના રાખીને સ્કોર આપવામાં આવે છે.
શિક્ષણ કેટેગરી માટે કટ-ઓફ સ્કોર 462 હતો
જયારે વર્ષ 2025 ના ડેટા મુજબ 1 ઓક્ટોબર, 2025 ના રોજ, કેનેડિયન એક્સપિરિયન્સ ક્લાસ ઉમેદવારો માટે ઓછામાં ઓછો સીઆરએસ સ્કોર 534 જરૂરી હતો. જયારે હેલ્થકેર અને સોશિયલ સર્વિસીસ કેટેગરીના ડ્રોમાં ઓછામાં ઓછો સ્કોર 470 જરૂરી હતો.15 ઓક્ટોબર, 2025 ના રોજ, હેલ્થકેર કેટેગરીમાં 2,500 ઉમેદવારોને ન્યૂનતમ સીઆરએસ સ્કોર 472 સાથે પીઆર માટે પસંદ થયા હતા. પહેલા ડ્રોમાં શિક્ષણ કેટેગરી માટે કટ-ઓફ સ્કોર 462 હતો. જે અગાઉના 479 કરતા ઓછો હતો. એનો અર્થ એ છે કે શિક્ષણ ક્ષેત્રના ઉમેદવારો માટે હવે તકો વધુ હોઈ શકે છે. આ વલણો સૂચવે છે કે તાજેતરના ડ્રોમાં કેટલાક ક્ષેત્રોમાં સીઆરએસ સ્કોર્સ પ્રાપ્ત કરવાનું સરળ બન્યું છે.
કેનેડામાં સ્થાયી થવા માટે સીઆરએસ સ્કોર તેનું પ્રથમ સ્ટેપ
કેનેડામાં સ્થાયી થવા માટે સીઆરએસ સ્કોર તેનું પ્રથમ સ્ટેપ છે. જેમાં હાઈસ્કોર ધરાવતા ઉમેદવારોને પ્રાથમિકતા મળે છે. જ્યારે ઓછા સ્કોર ધરાવતા ઉમેદવારોએ પ્રોવીયન્સ નોમિની પ્રોગ્રામ અથવા અન્ય વિકલ્પો અપનાવવા જોઈએ. આ અંગે નિષ્ણાતો કહે છે કે જે ઉમેદવારો તેમના IELTSમાં સુધારો કરે છે. તેમજ ઉચ્ચ શિક્ષણ ઉમેરે છે અથવા કેનેડામાં અનુભવ મેળવે છે તેઓ તેમના સીઆરએસમાં નોંધપાત્ર વધારો કરી શકે છે.
કેનેડા સરકારે એક સત્તાવાર સીઆરએસ કેલ્ક્યુલેટર ટૂલ જાહેર કર્યું
કેનેડા સરકારે એક સત્તાવાર સીઆરએસ કેલ્ક્યુલેટર ટૂલ જાહેર કર્યું છે. જેમાં અંદાજિત સ્કોર શોધી શકાય છે. જોકે તેની પૂર્વે IELTS અથવા તેના જેવી અંગ્રેજી પરીક્ષા આપવી પડશે.
આપણ વાંચો: રાહુલ ગાંધીના આક્ષેપો પર ચૂંટણી પંચનો વળતો જવાબ! SIR મુદ્દે પણ આકરા પ્રહાર
