દિલ્હી દારૂ કૌભાંડ અને તેલંગણાનું શું કનેક્શન? જાણો K kavithaની કેટલી છે સંપતિ?

દિલ્હીની વિવાદાસ્પદ આબકારી નીતિ અને કથિત દારૂ કૌભાંડ (Delhi liquor Scam) ના આરોપમાં તેલંગાણાના ભૂતપૂર્વ મુખ્ય પ્રધાન કે ચંદ્રશેખર રાવ (KCR) ની પુત્રી કે કવિતાની હૈદરાબાદથી ધરપકડ (KCR daughter K Kavitha arrested from Hyderabad) કરવામાં આવી છે, જેને હવે દિલ્હી લાવવામાં આવશે. આ કિસ્સામાં, એ પણ પ્રકાશમાં આવ્યું છે કે EDએ કે કવિતાને તેની ધરપકડ પહેલા જ દિલ્હી લઈ જવા માટે ફ્લાઇટ ટિકિટ બુક કરાવી હતી. કે કવિતા હાલમાં તેલંગાણાના MLC છે અને EDએ તેમની સામે આટલી કડક કાર્યવાહી કેમ કરી તે અંગે સવાલો ઉઠી રહ્યા છે.

આપને જણાવી દઈએ કે કે કવિતા ભારત રાષ્ટ્ર સમિતિ એટલે કે BRS ના MLC પણ છે. દિલ્હીના કથિત દારૂ કૌભાંડ સાથે જોડાયેલા મની લોન્ડરિંગ કેસમાં EDએ તેમની ઘણી વખત પૂછપરછ કરી છે. મળતી માહિતી મુજબ, તેને બે સમન્સ મોકલવામાં આવ્યા હતા પરંતુ કવિતા પૂછપરછ માટે આવી ન હતી, જેના કારણે તેની ધરપકડ કરવામાં આવી છે.

હવે સવાલ એ છે કે દિલ્હી કેસમાં તેલંગાણા એમએલસીનું કનેક્શન શું છે. આ અંગે EDએ દાવો કર્યો છે કે કે. કવિતા દારૂના વેપારીઓની ‘સાઉથ ગ્રુપ’ લોબી સાથે સંકળાયેલી હતી. દિલ્હી સરકારની વિવાદાસ્પદ એક્સાઇઝ પોલિસીમાં સાઉથ ગ્રુપે મહત્વની ભૂમિકા ભજવી હતી.

એવો દાવો કરવામાં આવે છે કે આરોપી વિજય નાયરે કથિત રીતે ‘સાઉથ ગ્રુપ’ પાસેથી ઓછામાં ઓછા 100 કરોડ રૂપિયાની લાંચ લીધી હતી. સાઉથ ગ્રુપે તેમને આ લાંચ આમ આદમી પાર્ટીના નેતાઓને આપવા માટે આપી હતી.

જ્યારે કવિતા સામે આક્ષેપો કરવામાં આવ્યા હતા, ત્યારે તેણેએ દાવો કર્યો હતો કે તેણીએ કંઈપણ ખોટું કર્યું નથી અને કેન્દ્ર સરકાર EDનો ‘ઉપયોગ’ કરી રહી છે કારણ કે ભાજપ ‘બેક ડોરથી એન્ટ્રી’ કરી શકતું ન હતું.

મહત્વની વાત એ છે કે ગયા વર્ષે ફેબ્રુઆરીમાં CBIએ એકાઉન્ટન્ટ બુચીબાબુ ગોરંતલાની ધરપકડ કરી હતી. ઇડીએ બુચીબાબુની પણ પૂછપરછ કરી હતી અને તેમનું નિવેદન નોંધ્યું હતું. બૂચીબાબુ વિશે એવી માહિતી છે કે અગાઉ તેઓ કવિતાનું એકાઉન્ટ સંભાળતો હતો.

કેસીએઆરની પુત્રી કે. કવિતાની પ્રોપર્ટીની વાત કરીએ તો તેમની પાસે કુલ 39.79 કરોડ રૂપિયાની સંપત્તિ છે. જોકે, રોકડની વાત કરીએ તો તેમની પાસે માત્ર 1 લાખ રૂપિયા છે. કવિતાના બેંક ખાતામાં 37 લાખ રૂપિયાથી વધુ જમા છે.

તેણે બોન્ડ્સ, ડિબેન્ચર્સ અને કંપનીઓના શેર્સમાં રૂ. 17.88 કરોડનું રોકાણ કર્યું છે. મળતી માહિતી મુજબ, કવિતાએ દેશની ઘણી સરકારી યોજનાઓમાં પણ પૈસા રોક્યા છે. તેણે અહીં લગભગ 2 કરોડ રૂપિયા જમા કરાવ્યા છે.

જો કે, અહેવાલો એ પણ કહે છે કે કેસીઆરની પુત્રી પર 21 કરોડ રૂપિયાથી વધુનું દેવું છે. જેમાં તેણે કાર લોન તરીકે 2.62 કરોડ રૂપિયા લીધા છે અને ગોલ્ડ લોન અને અન્ય લોન 19 કરોડ રૂપિયાની છે. તેણે શેરબજારમાં રોકાણ કરવા માટે રૂ.7 કરોડની પર્સનલ લોન પણ લીધી છે.