યુપીમાં ચૂંટણી પહેલા જ ગૌહત્યા સહીતના ગુનાઓમાં સંડોવાયેલા 73 ગુનેગારો વિરુદ્ધ ફરિયાદ

લખનઉ: ઉત્તર પ્રદેશમાં આગામી સ્થાનિક સ્વરાજની ચૂંટણીમાં શાંતિપૂર્ણ અને નિષ્પક્ષ મતદાન થાય તે માટે ઉત્તર પ્રદેશ પોલીસે એક મહત્વની કામગીરી કરી હતી. જેમાં મેરઠ પોલીસે સમગ્ર જિલ્લામાં એક વ્યાપક અભિયાન ચલાવીને 73 સક્રિય અને શંકાસ્પદ ગુનેગારો વિરુદ્ધ ગેંગસ્ટર એક્ટ વિરુદ્ધ કાર્યવાહી કરી હતી.

આ અંગે પોલીસ દ્વારા જારી કરાયેલી પ્રેસ રિલીઝ અનુસાર, વિવિધ પોલીસ સ્ટેશનોમાં કુલ 12 કેસ નોંધાયા છે. પોલીસે જણાવ્યું હતું કે મેરઠના વરિષ્ઠ પોલીસ અધિક્ષકની સૂચના પર, જિલ્લાના તમામ પોલીસ સ્ટેશનોની ટીમોએ તેમના વિસ્તારોમાં સક્રિય ગુનેગારોની ચકાસણી કરી, તેમની પ્રવૃત્તિઓ પર નજર રાખી અને તેમના ગુનાહિત ઇતિહાસનું વિશ્લેષણ કરવામાં આવ્યું હતું.

આ તપાસ દરમિયાન, 73 ગુનેગારોની ઓળખ કરવામાં આવી હતી જેઓ હત્યા, લૂંટ, ગૌહત્યા, ચોરી અને ગોળીબાર જેવા ગંભીર ગુનાઓમાં સંડોવાયેલા હતા. અધિકારીઓના જણાવ્યા અનુસાર, પૂરતા પુરાવાના આધારે આ ગુનેગારો સામે ગેંગસ્ટર એક્ટ હેઠળ 12 કેસ દાખલ કરવામાં આવ્યા છે. પોલીસનું કહેવું છે કે આ વ્યક્તિઓ સંગઠિત ગુનાહિત પ્રવૃત્તિઓમાં સામેલ છે અને ચૂંટણીના વાતાવરણને પ્રભાવિત કરવાની ક્ષમતા ધરાવે છે.

પોલીસે સ્પષ્ટતા કરી હતી કે આગામી સ્થાનિક સ્વરાજ્યની ચૂંટણી દરમિયાન ભયમુક્ત અને ન્યાયી વાતાવરણ જાળવવા માટે જિલ્લામાં આવી જ કડક કાર્યવાહી ચાલુ રહેશે. અરાજકતા, ગુનાખોરી કે ચૂંટણી પ્રક્રિયામાં ખલેલ પહોંચાડવાના કોઈપણ પ્રયાસને કડક કાનૂની કાર્યવાહીનો સામનો કરવો પડશે.

આપણ વાંચો:  શિયાળુ સત્રમાં સરકાર 10 જેટલા બિલ લાવી શકે છે! જુઓ લિસ્ટ