Jharkhad માં સીએમ યોગીનો મોટો પ્રહાર, આલમગીર આલમની તુલના ઔરંગઝેબ સાથે કરી

કોડરમા : ઝારખંડમાં(Jharkhad)વિધાનસભા ચૂંટણીને હવે ગણતરીના દિવસો બાકી છે. ત્યારે ભાજપે ઝારખંડના સત્તા મેળવવા માટે એડીચોટીનું જોર લગાવ્યું છે. જેમાં આજે વિધાનસભા ચૂંટણીના પ્રચાર માટે ઝારખંડ પહોંચેલા યુપીના સીએમ યોગી આદિત્યનાથે હેમંત સોરેન સરકાર પર જોરદાર નિશાન સાધ્યું. સીએમ યોગીએ સોરેન સરકારમાં મંત્રી રહેલા આલમગીર આલમની તુલના ઔરંગઝેબ સાથે કરી હતી જ્યારે તેમના નજીકના સહયોગીના ઘરેથી રોકડ મળી આવી હતી. તેમણે કહ્યું કે જે રીતે ઔરંગઝેબે દેશને લૂંટ્યો તે જ રીતે આલમગીરે રાજ્યના ગરીબોને લૂંટ્યા. આ સાથે સીએમ યોગીએ ફરીથી ‘બટેંગે તો કટંગે ના નારાનું પુનરાવર્તન કર્યું

આ નાણાં ઝારખંડના ગરીબોના હતા

ઝારખંડમાં એક ચૂંટણી રેલીને સંબોધતા સીએમ યોગીએ કહ્યું કે ઔરંગઝેબે દેશને લૂંટ્યો હતો. મંદિરો તોડી નાખ્યા હતા, એવી જ રીતે ઝારખંડ મુક્તિ મોરચાના એક મંત્રી હતા. આલમગીર આલમ… જેમના ઘરેથી નોટોના ઢગલા મળી આવ્યા હતા. આ નાણાં ઝારખંડના ગરીબોના હતા, જેને લૂંટીને જમા કરવામાં આવ્યા હતા.

સીએમ યોગી આદિત્યનાથે વધુમાં કહ્યું કે મંત્રીની સાથે નોકર અને સંબંધીઓના ઘરેથી પણ રોકડ મળી આવી છે. આ બધું ઝારખંડના લોકોના પૈસા હતા. આનાથી ખરાબ સ્તરની લૂંટ બીજે ક્યાંય જોઈ શકાતી નથી.

એક રહો નેક રહો: ​​સીએમ યોગી

સીએમ યોગીએ કહ્યું કે લોકોને તેમની શક્તિનો અહેસાસ કરાવો, જાતિઓમાં ભાગલા પાડવાની જરૂર નથી.
કેટલાક લોકો તમને જાતિના નામે વિભાજિત કરશે. કોંગ્રેસ અને વિપક્ષ એક જ કામ કરે છે. આ લોકો બાંગ્લાદેશી ઘૂસણખોરો, રોહિંગ્યાને વસાવી રહ્યા છે. એક દિવસ આ લોકો તમને ઘરની અંદર ઘંટ અને શંખ પણ વગાડવા નહીં દે. તેથી એક રહો નેક રહો. હું કહું છું કે દેશનો ઈતિહાસ સાક્ષી છે કે જ્યારે પણ તેનું વિભાજીત થયા છે ત્યારે નિર્મમતાથી કપાયા છીએ.

Also Read – હેમંત સોરેનની પાર્ટીએ વડા પ્રધાન મોદી પર લગાવ્યા મોટા આરોપ, રાષ્ટ્રપતિને લખ્યો પત્ર

માફિયાઓને ખાતમો કર્યો

ઝારખંડના કોડરમામાં બોલતા સીએમ યોગીએ માફિયાઓને લઈને નિવેદન પણ આપ્યું હતું. તેમણે કહ્યું કે 2017 પછી યુપીમાં બુલડોઝર ચાલવા લાગ્યા, કેટલાક જેલમાં છે અને કેટલાકનું રામ નામ સત્ય થયું છે. યુપીમાંથી માફિયાઓનો સફાયો થઈ ગયો છે.

ફ્લેટમાંથી કેટલાક ઘરેણાં અને દસ્તાવેજો પણ કબજે કર્યા

ઉલ્લેખનીય છે કે, એન્ફોર્સમેન્ટ ડિરેક્ટોરેટ(ED)ની ટીમે સોરેન સરકારમાં ગ્રામીણ વિકાસ મંત્રી રહેલા આલમગીર આલમની ધરપકડ કરી છે. 6 મેના રોજ EDએ આલમગીર આલમના પરિસરમાં દરોડા પાડ્યા હતા અને 30 કરોડથી વધુની રોકડ જપ્ત કરી હતી. આટલી મોટી રકમની રોકડ મળ્યા બાદ ED એ નોટો ગણવા માટે અનેક મશીનો મંગાવ્યા હતા. આ ઉપરાંત અધિકારીઓએ આલમગીર આલમના ફ્લેટમાંથી કેટલાક ઘરેણાં અને દસ્તાવેજો પણ
કબજે કર્યા હતા.