ઉત્તર પ્રદેશમાં BJPનું મનોમંથન, Lok Sabha માં હારેલી બેઠકોના કારણોની થશે ચર્ચા
લખનૌ: દેશમાં લોકસભા ચુંટણીમાં(Lok sabha Election) ઉત્તર પ્રદેશમાં ભાજપે(BJP) મળેલી ઓછી બેઠકો પક્ષ માટે ચિંતાનો વિષય બન્યો છે. જેના પગલે ભાજપે ઉત્તર પ્રદેશમાં(Uttar Pradesh)ભાજપના ઘટતા જનાધારના કારણો પર મનોમંથન પણ હાથ ધર્યું છે. જેના પગલે ભાજપના રાષ્ટ્રીય મહાસચિવ બીએલ સંતોષ શનિવાર અને રવિવારે ઉત્તર પ્રદેશ ભાજપના પ્રદેશ કાર્યાલયમાં રાજ્યના પદાધિકારીઓ સાથે બેઠક કરશે. આ બેઠકનો ઉદ્દેશ્ય લોકસભાની ચૂંટણીમાં હારેલી બેઠકો પર મંથન કરવાનો રહેશે.
14મી જુલાઈએ કાર્ય સમિતિની બેઠક
આ બેઠકમાં 14મી જુલાઈએ પ્રથમ વખત યોજાનારી વિસ્તૃત રાજ્ય કાર્ય સમિતિની બેઠકની રૂપરેખા પણ બનાવવામાં આવશે. પ્રથમ વખત ભાજપના સંગઠનને ધ્યાનમાં રાખીને રચાયેલા 1918 મંડળોના મંડળ પ્રમુખોને કાર્યકારી સમિતિની બેઠકમાં બોલાવવામાં આવ્યા છે. રાષ્ટ્રીય અધ્યક્ષ જેપી નડ્ડા અને રક્ષા મંત્રી રાજનાથ સિંહ પણ 14મી જુલાઈએ યોજાનારી કાર્ય સમિતિની બેઠકમાં ભાગ લેશે.
લખનૌમાં ભાજપની બેઠક
સમિતિમાં કયા વિષયો પર ચર્ચા થશે? કેટલા સત્રો હશે? તેની સંપૂર્ણ રૂપરેખા લખનૌમાં બે દિવસીય બેઠકમાં બનાવવામાં આવશે. આ બેઠકમાં અનેક મહત્વપૂર્ણ મુદ્દાઓ પર ચર્ચા થશે. લોકસભા ચૂંટણીમાં દલિતો અને પછાત વર્ગોને ઓછા વોટ કેમ મળ્યા? તેમને ભાજપમાં કેવી રીતે પાછા લાવવા. મિશન 2027ને ધ્યાનમાં રાખીને ભાજપે કેવી રીતે કામ કરવું જોઈએ. આ બેઠકમાં તેનો રોડ મેપ નક્કી કરવામાં આવશે. આ દરમિયાન દરેક સીટ પર હારેલી સીટો અને વોટ શેરમાં ઘટાડા અંગે ચર્ચા કરવામાં આવશે. આ અંગે ચર્ચા કરવા પ્રદેશ પ્રમુખો સાથે પ્રદેશ પ્રભારીઓ અને રાજ્યના અધિકારીઓને બોલાવવામાં આવ્યા છે.
બીએલ સંતોષ હાર અંગે ચર્ચા કરશે
બીએલ સંતોષ સરકારના મંત્રીઓ સાથે પણ વાત કરશે. યુપી સરકારમાં 16 મંત્રીઓ પોતાના મતવિસ્તાર જીતી શક્યા નથી. ભાજપની બેઠકમાં લોકસભા ચૂંટણીમાં હારેલી બેઠકો અંગે ચર્ચા કરવાની સાથે પેટાચૂંટણીની તૈયારીઓ અંગે પણ ચર્ચા કરવામાં આવશે. વર્ષ 2014 અને 2019ની લોકસભા ચૂંટણીમાં ભાજપનું પ્રદર્શન ઘણું સારું રહ્યું હતું અને ભાજપે પૂર્ણ બહુમતી સાથે જીત મેળવી હતી. જો કે લોકસભા ચૂંટણી 2024માં આવું જોવા મળ્યું ન હતું. ભાજપ માત્ર 240 બેઠકો જીતી શક્યું હતું અને પછી કેન્દ્રમાં ગઠબંધન સરકાર રચાઈ હતી
