બિહાર વિધાનસભા ચૂંટણીના પ્રથમ તબક્કાના મતદાન માટે પ્રચાર પડધમ શાંત, 6 નવેમ્બરે મતદાન
પટના: બિહાર વિધાનસભા ચૂંટણીના પ્રથમ તબક્કાના મતદાન માટે પ્રચાર પડધમ શાંત થયા છે. રાજ્યમાં 6 નવેમ્બરના રોજ પ્રથમ તબક્કા માટે ચૂંટણી યોજાશે. પ્રથમ તબક્કામાં 18 જીલ્લામાં 121 બેઠકો માટે મતદાન યોજાશે.
જેની માટે 1314 ઉમેદવાર મેદાનમાં છે. બિહારમાં પ્રથમ તબક્કામાં મધેપુરા, સહરસા, દરભંગા, મુઝફ્ફરપુર, ગોપાલગંજ, સિવાન, સારણ, વૈશાલી, સમસ્તીપુર, બેગુસરાય, ખાગરિયા, મુંગેર, લખીસરાય, શેખપુરા, નાલંદા, પટના, ભોજપુર અને બક્સર જીલ્લાનો સમાવેશ થાય છે.
હોર્ડિંગ્સ, બેનરો અને પોસ્ટરો ભાગ્યે જ જોવા મળ્યા
બિહારમાં દિવાળી-છઠની રજાઓ દરમિયાન રાજકીય પક્ષોનો પ્રચાર ચાલુ રહ્યો હતો. જેમાં જાહેર સભાઓ અને માઈક્રોફોન પ્રચાર પર ધ્યાન કેન્દ્રિત રહ્યું હતું. જયારે હોર્ડિંગ્સ, બેનરો અને પોસ્ટરો ભાગ્યે જ જોવા મળ્યા હતા.
આપણ વાચો: બિહાર વિધાનસભા ચૂંટણી: ગુજરાતના ૧૦ IAS અધિકારીઓની નિરીક્ષક તરીકે નિમણૂક
6 નવેમ્બરની ચૂંટણીની તૈયારીઓ શરૂ
આ ઉપરાંત પ્રથમ તબક્કા માટે 6 નવેમ્બરની ચૂંટણીની તૈયારીઓ શરૂ થઈ ગઈ છે. મતદાન કર્મચારીઓને આજે આ તમામ જિલ્લાઓમાં તેમના ફરજ સંબંધિત દસ્તાવેજો એકત્રિત કરવા માટે બોલાવવામાં આવ્યા હતા.
આવતીકાલે, બધા મતદાન કર્મચારીઓ EVM, VVPAT અને અન્ય દસ્તાવેજો એકત્રિત કરશે અને તે રાત્રે મતદાન મથકો પર પહોંચશે જેથી તેઓ 6 નવેમ્બરના રોજ સવારે 5:00 વાગ્યે શરૂ થતા મોક પોલ પછી સમયસર મતદાન શરૂ કરાવી શકે.
આપણ વાચો: બિહાર વિધાનસભા ચૂંટણી પહેલા નીતિશ કુમારે આ શું કર્યું? JDU પાર્ટીમાંથી 11 લોકોને…
ચૂંટણી પંચે પુરતી સુરક્ષા વ્યવસ્થા પણ ગોઠવી
બિહારમાં મતદાન સવારે 7:00 વાગ્યે શરૂ થશે અને સાંજે 6:00 વાગ્યે સમાપ્ત થશે. જયારે કેટલાક મતવિસ્તારોમાં, આ સમય 5:00 વાગ્યા સુધી જ રાખવામાં આવ્યો છે. આ અંગે ચૂંટણી પંચે પુરતી સુરક્ષા વ્યવસ્થા પણ ગોઠવી છે. તેમજ
સંવેદનશીલ વિસ્તારોમાં અર્ધ સૈન્ય દળોને તૈનાત કરવામાં આવ્યા છે.
