નવી દિલ્હી: દિલ્હીના મુખ્યમંત્રી અરવિંદ કેજરીવાલના(Arvind Kejriwal)જામીન અંગે હાઈકોર્ટે પોતાનો નિર્ણય સંભળાવ્યો છે. હાઈકોર્ટે (Highcourt)કેજરીવાલના જામીન પર સ્ટે મૂકી દીધો છે. કોર્ટે ટ્રાયલ કોર્ટના આદેશમાં અનેક ખામીઓ દર્શાવી હતી. આ અગાઉ જસ્ટિસ સુધીર કુમાર જૈનની વેકેશન બેન્ચે 21 જૂને ટ્રાયલ કોર્ટના નિર્ણય પર વચગાળાનો સ્ટે મૂકીને આદેશ અનામત રાખ્યો હતો. કોર્ટે કહ્યું હતું કે જ્યાં સુધી ચુકાદો ન આવે ત્યાં સુધી જામીનના આદેશનો અમલ કરવામાં આવશે નહીં.
આ પણ વાંચો: Arvind Kejriwal: અરવિંદ કેજરીવાલને કોર્ટ તરફથી રાહત નહીં, આવતી કાલે જેલમાં પરત ફરશે
EDએ હાઈકોર્ટમાં અરજી કરી હતી
ટ્રાયલ કોર્ટના વિશેષ ન્યાયાધીશ ન્યાય બિંદુએ 20 જૂને કેજરીવાલને જામીન આપ્યા હતા. દિલ્હીના મુખ્યમંત્રીને 1 લાખ રૂપિયાના અંગત બોન્ડ પર મુક્ત કરવાનો આદેશ આપવામાં આવ્યો હતો. કોર્ટે આમ આદમી પાર્ટીના રાષ્ટ્રીય કન્વીનરને દેશ ન છોડવા અને સાક્ષીઓ કે પુરાવાઓને પ્રભાવિત ન કરવા જેવી શરતો સાથે રાહત આપી હતી. ગુરુવારે રાત્રે 8 વાગે નિર્ણય આવ્યા બાદ કેજરીવાલ શુક્રવારે મુક્ત થવાના હતા. તે જેલમાંથી બહાર આવે તે પહેલા EDએ હાઈકોર્ટમાં અરજી કરી હતી.
સુપ્રીમ કોર્ટે કહ્યું કે તે હાઈકોર્ટના નિર્ણયની રાહ જોશે
કેજરીવાલે તેમના જામીન પરના વચગાળાના સ્ટે સામે સુપ્રીમ કોર્ટમાં પણ અરજી કરી હતી. જો કે, કોર્ટે ઝડપી સુનાવણી કરવાનો અથવા સ્ટે ઉઠાવવાનો ઇનકાર કર્યો અને મામલો 26 જૂન સુધી મુલતવી રાખ્યો. સુપ્રીમ કોર્ટે કહ્યું કે તે હાઈકોર્ટના નિર્ણયની રાહ જોશે.
આ પણ વાંચો: અરવિંદ કેજરીવાલે આ કારણોને આગળ ધરીને વચગાળાના જામીનમાં માંગ્યો આટલા દિવસનો વધારો ….
કેજરીવાલની મની લોન્ડરિંગ કેસમાં ધરપકડ
દિલ્હીના મુખ્યમંત્રીની 21 માર્ચે કથિત દારૂ કૌભાંડ સંબંધિત મની લોન્ડરિંગ કેસમાં ધરપકડ કરવામાં આવી હતી. કોર્ટે તેમને લોકસભા ચૂંટણી દરમિયાન 21 દિવસ માટે વચગાળાના જામીન આપ્યા હતા. કેજરીવાલે પૂર્વ નિર્ધારિત શરત હેઠળ 2 જૂને આત્મસમર્પણ કર્યા બાદ ફરીથી જેલમાં જવું પડ્યું હતું.
આ પણ વાંચો: આંખના ઓપરેશન બાદ પ્રથમ વાર દેખાયા Raghav Chadha, સીએમ અરવિંદ કેજરીવાલને મળવા પહોંચ્યા
ગેરકાયદે લાભ આપીને લાંચ લીધી હતી
તેમની પર આરોપ છે કે આમ આદમી પાર્ટીના નેતાઓએ 2021-22માં દિલ્હી માટે બનાવેલી એક્સાઇઝ પોલિસીમાં દારૂના વેપારીઓને ગેરકાયદે લાભ આપીને લાંચ લીધી હતી અને તેનો ઉપયોગ ગોવાની ચૂંટણીમાં પણ થયો હતો.
