નેશનલ

જ્યાં ‘આપ’ ખાતું પણ નથી ખોલાવી શકી ત્યાં ‘બાપ’એ ભાજપ અને કાંગ્રેસને પણ ટક્કર આપી …

ડુંગરપુર: રાજસ્થાનમાં દરેક વિધાનસભામાં કોઈને કોઈ નવી પાર્ટી અસ્તિત્વમાં આવે છે. આ વખતે પણ એવું જ થયું છે. રાજ્યના આદિવાસી વિસ્તારમાં ચૂંટણીમાં પ્રથમ વખત રચાયેલી ભારત આદિવાસી પાર્ટી (BAP) એ પ્રથમ વખત પોતાના ત્રણ ઉમેદવારોને જીતાડીને આદિવાસી વિસ્તારમાં ભાજપ અને કોંગ્રેસને જોરદાર ટક્કર આપી હતી.

ભારત આદિવાસી પાર્ટી (BAP)ના સ્થાપક રાજકુમાર રોત 2023ની રાજસ્થાન વિધાનસભા ચૂંટણીમાં ચોર્યાસી બેઠકો પર જીત મેળવી હતી. તેમણે ભાજપના સુશીલ કટારાને લગભગ 70 હજાર મતોથી હરાવ્યા હતા. રાજકુમાર રોત ચોર્યાસી સીટથી સીટીંગ ધારાસભ્ય પણ હતા. રાજકુમાર રોટને કુલ 1 લાખ 11 હજાર 150 વોટ મળ્યા. બીજેપી ઉમેદવાર સુશીલ કટારા બીજા નંબર પર હતા, તેમને માત્ર 41 હજાર 984 વોટ મળ્યા હતા. જ્યારે કોંગ્રેસના ઉમેદવાર તારાચંદ ભગોરાને માત્ર 28 હજાર 120 મત મળ્યા હતા.


બે મહિના પહેલા બનેલી ભારત આદિવાસી પાર્ટી (BAP) એ અરવિંદ કેજરીવાલની આમ આદમી પાર્ટી (AAP) કરતા વધુ સારું પ્રદર્શન કર્યું છે. આ વખતે પણ આદિવાસી પ્રભુત્વ ધરાવતા ડુંગરપુર જિલ્લાની 4 વિધાનસભા બેઠકો પર પરિણામ 2018 જેવું જ હતું.


છ વર્ષ જૂની ભારતીય ટ્રાઇબલ પાર્ટી (BTP) માં વિભાજન બાદ 2023ની રાજસ્થાન વિધાનસભા ચૂંટણીના થોડા સમય પહેલા ભારત આદિવાસી પાર્ટીની સ્થાપના આદિવાસી નેતા અને રાજસ્થાનના ચોર્યાસી વિધાનસભા ક્ષેત્રના ધારાસભ્ય રાજકુમાર રોત અને સાગવાડાના ધારાસભ્ય રામપ્રસાદ ડીંડોરે એ કરી હતી.

રાજસ્થાનમાં ભારત આદિવાસી પાર્ટી (BAP)એ ત્રણ, BSPએ બે અને રાષ્ટ્રીય લોકતાંત્રિક પાર્ટીએ એક બેઠક જીતી છે. છ બેઠકો પર ભાજપ અને એક બેઠક પર કોંગ્રેસનો વિજય થયો છે. જ્યારે AAP, CPI(M), જન નાયક જનતા પાર્ટી (JJP) અને AIMIAના ખાતા પણ ખોલાવ્યા નથી. નોંધનીય છે કે BAP હાલમાં 12 રાજ્યો અને 250 થી વધુ શહેરોમાં પોતાના 450થી વધારે ઉમેદવારો ધરાવે છે.


Show More

Related Articles

Leave a Reply

Your email address will not be published. Required fields are marked *

Back to top button