લગ્ન કરીને હિન્દુ ધર્મ અપનાવનાર મુસ્લિમ યુવતીએ આપ્યું આ નિવેદન…
બરેલી: સંત રવિદાસ નગરની રહેવાસી ખુશ્બુ બાનોએ ઈસ્લામ ધર્મનો ત્યાગ કર્યો છે અને બરેલીમાં રહેતા તેના પ્રેમી વિશાલ સાથે હિંદુ રીતિ-રિવાજ મુજબ લગ્ન કર્યા ત્યારે ખુશ્બૂએ કહ્યું હતું કે ઇસ્લામમાં મહિલાઓનું સન્માન જેવું કંઇ હોતું નથી, જ્યારે હિંદુ ધર્મમાં મહિલાઓને એક વિશેષ દરજ્જો આપવામાં છે. તેને બાળપણથી જ દેવી-દેવતાઓમાં અપાર શ્રદ્ધા હતી. આ કારણે તેણે સ્વેચ્છાએ ધર્મ પરિવર્તન કર્યું છે.
સંત રવિદાસ નગરની રહેવાસી ખુશ્બુએ પોતાના પ્રેમ ખાતર ઈસ્લામ ધર્મનો ત્યાગ કરીને સનાતન ધર્મ અપનાવ્યો છે. તેણે બરેલી મંદિરમાં તેના પ્રેમી વિશાલ સાથે લગ્ન કર્યા હતા ત્યારે તેણે કહ્યું હતું કે ઇસ્લામ ધર્મમાં મહિલાઓનું સન્માન થતું નથી. અહીં ટ્રિપલ તલાક અને હલાલા જેવી દુષ્ટ પ્રથાઓ છે જે ખૂબજ ડરામણી હોય છે. જ્યારે હિંદુ ધાર્મિક પરિવારોમાં મહિલાઓનું વિશેષ સ્થાન હોય છે. ખુશ્બૂએ કહ્યું હતું કે તેના પૂર્વજોએ મુગલ યુગમાં ઇસ્લામ કબૂલ કર્યો હતો, પરંતુ હવે તે સ્વેચ્છાએ હિન્દુ ધર્મ અપનાવી રહી છે.
ખુશ્બુએ જણાવ્યું કે ચાર વર્ષ પહેલા ફેસબુક દ્વારા તેના પ્રેમી વિશાલ કુમાર સાથે તેની મિત્રતા થઈ હતી. આ મિત્રતા ક્યારે પ્રેમમાં બદલાઈ ગઈ તેની તેને ખબર પણ ન પડી. હવે સનાતન ધર્મ અપનાવ્યા બાદ ખુશ્બુએ પોલીસ સુરક્ષા માટે વિનંતી કરી છે. હિંદુ ધર્મ અપનાવ્યા બાદ ખુશ્બુએ વિશાલ સાથે પરંપરાગત રીતિ-રિવાજો સાથે લગ્ન કર્યા છે.
આ દરમિયાન ખુશ્બુએ એફિડેવિટ આપી હતી કે તે જીવનભર હિંદુ ધર્મનું પાલન કરશે. પતિ વિશાલ સાથે ભોજીપુરા પોલીસ સ્ટેશન પહોંચેલી ખુશ્બુએ જણાવ્યું હતું કે લગ્ન બાદ ઓનર કિલિંગના ડરના કારણે તેને પોલીસ સુરક્ષાની માંગણી કરી છે. તેમણે આ જ અરજી જિલ્લા મેજિસ્ટ્રેટને પણ મોકલી છે.
તેણે અરજીમાં જણાવ્યું હતું કે હવે ખુશ્બુ બાનો તરીકે નહીં, પણ ખુશ્બુ તરીકે ઓળખવી જોઈએ. તેના પતિ વિશાલને પણ તેના પરિવારના સભ્યોથી તેના જીવનું જોખમ છે. ધર્મ પરિવર્તન બાદ આ પ્રેમી યુગલના લગ્ન સમારોહનું આયોજન કરનાર ઓગસ્ટ મુનિ આશ્રમના પંડિત કેકે શંખધરે પણ પોતાના જીવનો ભય વ્યક્ત કર્યો છે. તેણે કહ્યું હતું કે અત્યાર સુધી તેણે 86 યુગલોના લગ્ન કરાવ્યા છે, પરંતુ પહેલીવાર તે પણ ડરી રહ્યો છે.
