કોલકાતા: પશ્ર્ચિમ બંગાળના દક્ષિણ ૨૪ પરગણા જિલ્લામાં ૩૫૦ શ્રદ્ધાળુઓને લઈ જતી ફૅરી બૉટ ભારે ધુમ્મસમાંથી પસાર થઈ રહી હતી ત્યારે મૂરીગંગા નદીના સેન્ડબારમાં ફસાઈ ગઈ હોવાનું અધિકારીઓએ કહ્યું હતું. આ બૉટ સાગર ટાપુથી મૅઈનલેન્ડ આવી રહી હતી ત્યારે સેન્ડબારમાં ફસાઈ ગઈ હતી. નૌકાદળ, કોસ્ટગાર્ડ અને એનડીઆરએફના અધિકારીઓએ બચાવ કામગીરી આરંભી હતી અને સ્પિડબૉટ તેમ જ હૉવરક્રાફ્ટની મદદથી ફસાયેલા લોકોને ઉગારી લીધા હોવાનું તેમણે કહ્યું હતું.
