કુંભ મેળો-2025 માં 933 કરોડનો ખર્ચ; ભરપૂર સુવિધાઓ ,તમે પહોચો છો ને? સુવિધાઓ પણ જાણી લેજો અહીં

વિશ્વના સૌથી મોટા ધાર્મિક મેળાવડા ગણાતા કુંભ મેળાની રેલવેની તૈયારીઓ સામે આવી છે. 12 જાન્યુઆરીથી પ્રયાગરાજમાં આ વિશાળ ધાર્મિક મેળાવડાનું આયોજન થવા જઈ રહ્યું છે, જેમાં અંદાજિત 30 કરોડથી 50 કરોડ ભક્તો એકઠા થશે. ભારતીય રેલ્વે આ માટે તૈયારી કરી રહ્યું છે. રેલ્વે મંત્રી અશ્વિની વૈષ્ણવે માહિતી આપી છે કે ભારતીય રેલ્વે કુંભ મેળા 2025 માટે શ્રદ્ધાળુઓ માટે રેકોર્ડ સંખ્યામાં ટ્રેનો, અદ્યતન ટ્રેક અને વધુ સારી સુવિધાઓ આપવા માટે તૈયાર છે. રેલ્વે તરફથી મળતી માહિતી મુજબ, આ માટે રેલ્વે કુલ 992 સ્પેશિયલ ટ્રેનોનું સંચાલન કરશે અને કુલ ટ્રેન સુવિધાઓ અને મુસાફરોની સુવિધાઓ માટે 933 કરોડ રૂપિયા ખર્ચવામાં આવશે.

રેલ્વે મંત્રી અશ્વિની વૈષ્ણવે એક ઉચ્ચ સ્તરીય બેઠકમાં આ અંગેની તૈયારીઓની સમીક્ષા કરી હતી અને રેલ્વેની તમામ તૈયારીઓને આખરી ઓપ આપતાં તેમણે X પર તેમના સોશિયલ મીડિયા હેન્ડલ દ્વારા મહત્વપૂર્ણ માહિતી શેર કરી હતી. 495 કરોડ રૂપિયાના કુલ ખર્ચ સાથે મુસાફરોની સુવિધાના કામો માટે વિવિધ સુવિધાઓ લાગુ કરવામાં આવશે. મુસાફરોની સુવિધા માટે ટિકિટિંગ ક્ષમતામાં અનેકગણો વધારો કરવામાં આવ્યો છે અને ઘણી સુવિધાઓ પર વિશેષ ધ્યાન આપવામાં આવી રહ્યું છે.

1. પ્રવાસી આશ્રયસ્થાનો
2. વીજળી, સુરક્ષા, સીસીટીવીની જોગવાઈ
3. પાણી પુરવઠો અને શૌચાલય સુવિધાઓ
4. એક્ઝિક્યુટિવ લોન્જ અને હોસ્પિટલનું વિસ્તરણ
5. ફરતા વિસ્તારમાં સુધારો
6. ફરજ પરના કર્મચારીઓ માટે રહેવાની વ્યવસ્થા
7. રેલવે પરિસરમાં બાઉન્ડ્રી બાંધકામ

રેલવે મંત્રીએ પોતાની એક પોસ્ટમાં જણાવ્યુ છે કે, 12 જાન્યુઆરી-2025થી 28 ફેબ્રુઆરીએ-2025 સુધી ચાલનારા કૂંભ મેળામાં આવનારા ભાવિકો માટે વિશેષ ટ્રેન અને પ્રવાસી સુવિધાઓ શરૂ કરાશે તેની મહત્વની તારીખો —

પોષ પૂર્ણિમા: 13 જાન્યુઆરી 2025

મકરસંક્રાંતિ: 14 જાન્યુઆરી 2025

મૌની અમાવસ્યા: 29 જાન્યુઆરી 2025 (5-6 કરોડ ભક્તો) ના રોજ આવવાનો અંદાજ

બસંત પંચમી: 3 ફેબ્રુઆરી 2025

માઘી પૂર્ણિમા: 12 ફેબ્રુઆરી 2025

મહાશિવરાત્રી: 26 ફેબ્રુઆરી 2025

વિશેષ સુવિધાઓ પણ જોઈએ

3700 કરોડના ખર્ચે પ્રયાગરાજ ડિવિઝન અને આસપાસના સ્થળોના રેલ્વે ટ્રેકનું ડબલિંગ કરવામાં આવી રહ્યું છે. કુંભ મેળા દરમિયાન અને મેળાની પીક સીઝન દરમિયાન ટ્રેન સુવિધા સરળતાથી ચાલે તે માટે આના પર વિશેષ ધ્યાન આપવામાં આવી રહ્યું છે.