આમચી મુંબઈ

અજિત પવાર જૂથનું એક્સ એકાઉન્ટ સસ્પેન્ડ

કાકાની ગુગલીએ ભત્રીજાને કર્યા ક્લિન બોલ્ડ

મહારાષ્ટ્રમાં રાષ્ટ્રવાદી કોંગ્રેસ (એનસીપી) માં બે જૂથોની રચના પછી, કાકા શરદ પવાર અને ભત્રીજા અજિત પવાર વચ્ચે પાર્ટીના દાવાને લઈને ખેંચતાણ ચાલી રહી છે. દરમિયાન, અજિત પવાર જૂથનું X (અગાઉનું ટ્વિટર) એકાઉન્ટ સસ્પેન્ડ કરવામાં આવ્યું છે. અજિત જૂથનું કહેવું છે કે શરદ પવાર જૂથે આ જ નામે ખાતું હોવાની ફરિયાદ કરી હતી, જેના પછી એકાઉન્ટ સસ્પેન્ડ કરવામાં આવ્યું છે.


અજિત પવારના બળવા પછી એનસીપીમાં ભાગલા પડી ગયા છે. NCPના કેટલાક ધારાસભ્યોએ અજિત પવારને સમર્થન આપ્યું છે. કેટલાક ધારાસભ્યો હજુ પણ શરદ પવારની પાછળ મક્કમતાથી ઉભા છે. બંને જૂથોના સોશિયલ મીડિયા પર અલગ અલગ એકાઉન્ટ છે. અજિત પવાર જૂથના ખાતા પર કાર્યવાહી કરવામાં આવી છે. અજિત પવાર જૂથનું સત્તાવાર એકાઉન્ટ ટ્વિટર એટલે કે X દ્વારા સસ્પેન્ડ કરવામાં આવ્યું છે. તેથી તેના પર હાલમાં કોઈ પોસ્ટ દેખાતી નથી.

Twitter (x) એ કહ્યું છે કે નિયમોનું પાલન ન કરવા બદલ આ એકાઉન્ટને સસ્પેન્ડ કરવામાં આવ્યું છે. આવો મેસેજ અજિત પવાર ગ્રુપના ટ્વિટર એકાઉન્ટ પર પણ જોવા મળે છે. જો કે, ટ્વિટરે આ કાર્યવાહી કયા નિયમોનું ચોક્કસ ઉલ્લંઘન કર્યું તે અંગેની માહિતી હજુ સામે આવી નથી.

અજિત પવાર જૂથ દાવો કરી રહ્યું છે કે તેઓ જ વાસ્તવિક રાષ્ટ્રવાદી છે. અજિત પવારને માત આપવા માટે શરદ પવારે મોટી યોજના ઘડી છે. NCP દ્વારા હવે અજિત દાદાની સાથે આવેલા ધારાસભ્યોને ગેરલાયક ઠેરવવા અરજી કરવામાં આવી છે. શરદ પવાર જૂથ દ્વારા અયોગ્યતાની અરજી દાખલ કરવામાં આવતાની સાથે જ અજિત પવાર જૂથના ધારાસભ્યોની ટેન્શન વધી ગયું છે.

Show More

Related Articles

Leave a Reply

Your email address will not be published. Required fields are marked *

Back to top button
આ દેશોના મોહમાં Indian Citizenship કુર્બાન કરી રહ્યા છે ભારતીયો, ટોચ પર છે આ દેશ 1-2 નહીં પૂરા આટલા બાળકોની માતા છે આ Bollywood Actress સારા તેંડુલકરનો આ અનોખો અંદાજ જોઈને કહી ઉઠશો… આ વિટામિનની ઉણપ છે અનિંદ્રાનું સૌથી મોટું કારણ, તમે પણ એનો શિકાર નથીને?