મહારાષ્ટ્રની ‘આ’ યાત્રામાં મુસ્લિમ વેપારીઓ પર પ્રતિબંધનો ઠરાવ, જાણો કારણ?

મહારાષ્ટ્રના અહિલ્યાનગર જિલ્લાના પાથરડી તાલુકાના ગ્રામજનોએ મુસ્લિમ વેપારીઓને મઢી કનિફનાથ મહારાજની યાત્રા પર પ્રતિબંધ મૂકવાનો ઠરાવ પસાર કર્યો છે. આ યાત્રાની શરૂઆત હોળીથી થાય છે અને ગુડી પડવા પર સમાપ્ત થાય છે.

Also read : હીટવેવ એલર્ટ: મુંબઈમાં તાપમાન 38 ડિગ્રીને પાર, આઈએમડીએ આપી આ ચેતવણી

આ વાર્ષિક તીર્થયાત્રા, હોળીથી શરૂ થાય છે અને ગુડી પડવા સાથે સમાપ્ત થાય છે, જેમાં એક મહિનાના શોકના સમયગાળા સહિત અનેક ધાર્મિક વિધિઓનો સમાવેશ થાય છે જે દરમિયાન દેવતાને તેલ લગાવવામાં આવે છે. આ સમય દરમિયાન ગ્રામવાસીઓ તળેલું ભોજન ટાળે છે, જમીન પર જમીન પર સૂવે છે. અને તહેવારોની ઉજવણી કરવાનું ટાળે છે.

પરંતુ તેમ છતાં અહીં આવતા વેપારીઓ પરંપરાનું પાલન કરતા નથી જેનાથી ગ્રામજનોની લાગણી દુભાય છે. તેથી ગ્રામજનોએ મુસ્લિમ વેપારીઓને એક મહિના અગાઉથી નિર્ધારિત તીર્થયાત્રા પર પ્રતિબંધ મૂકવાનો નિર્ણય લીધો છે.

Also read : મહારાષ્ટ્ર અને કર્ણાટક વચ્ચે તણાવ: ફડણવીસ સરકાર બસોમાં માર્શલ અથવા પોલીસ તૈનાત કરી શકે છે…

ગામના સરપંચ અને કનિફનાથ દેવસ્થાન ટ્રસ્ટના પ્રમુખ સંજય મારકડે જણાવ્યું હતું કે, “મુસ્લિમ વેપારીઓ અમારી પરંપરાઓનું પાલન કરતા નથી. આ અમારા માટે સંવેદનશીલ બાબત છે. આ વેપારીઓ અમારા રિવાજોની અવગણના કરે છે, જેનાથી શ્રદ્ધાળુઓની ભાવનાઓને ઠેસ પહોંચે છે.” કુંભ મેળામાં મુસ્લિમ વેપારીઓ પર લાદવામાં આવેલા પ્રતિબંધ સાથે સરખામણી કરતાં તેમણે કહ્યું કે, જેમ કુંભ મેળામાં મુસ્લિમ વેપારીઓને પ્રવેશ આપવામાં આવતો નથી તેવી જ રીતે અમે કનિફનાથ યાત્રા પર પણ પ્રતિબંધ લાદવાનું નક્કી કર્યું છે.