થાણેમાં મહાશિવરાત્રીએ ટ્રાફિકમાં ફેરફાર

થાણે: થાણેના કૌપિનેશ્વરના પ્રાચીન મંદિરમાં તેમ જ ઢોકાળીમાં આવેલા નંદીબાબા મંદિર વિસ્તારમાં મહાશિવરાત્રી નિમિત્તે ભક્તોની ભીડને ટાળવા માટે થાણે ટ્રાફિક પોલીસે આ સમય દરમિયાન શહેરમાં ટ્રાફિક ફેરફારો લાગુ કર્યા છે. મહા શિવરાત્રી નિમિત્તે સવારથી રાતના 11 વાગ્યા સુધી બજારપેઠમાં ટ્રાફિક ફેરફાર અમલમાં મુકવામાં આવ્યો છે. તેથી, ઢોકાળી, કોલશેત વિસ્તારોમાં 11 માર્ચ સુધી ટ્રાફિક ફેરફાર સુધી લાગુ રહેશે. કોર્ટનાકાથી સુભાષપથ, મુખ્ય બજારમાંથી પસાર થતા વાહનોને જાંબલીનાકા વિસ્તારમાં પ્રવેશવા પર પ્રતિબંધ રહેશે. અહીંથી વાહનો ટાવરનાકા થઈને જઈ શકશે.
બજારમાંથી જાંબલીનાકા તરફ જતા વાહનોને એ-વન ફર્નિચર કે દુકાન નજીક પ્રવેશવા પર પ્રતિબંધ રહેશે. અહીંના વાહનો દાદાજી કોંડદેવ સ્પોર્ટ્સ હોલ વિસ્તારમાંથી અવરજવર કરશે. આ ટ્રાફિક ફેરફારો આજે સવારે ત્રણ થી 11 વાગ્યા સુધી લાગુ કરાશે.
ઢોકાળીમાં નંદીબાબા મંદિરમાં પણ મહાશિવરાત્રીનું આયોજન કરવામાં આવ્યું છે. આ વિસ્તારમાં મેળો ભરાય છે. તેથી મજીવાડા-માનપાડા વોર્ડ સમિતિની સામેથી કોલશેત, ઢોકાળી તરફ જતા વાહનોને વોર્ડ સમિતિમાં પ્રવેશવા પર પ્રતિબંધ રહેશે. અહીં વાહનો તત્વજ્ઞાન સિગ્નલ, આર મોલથી પસાર થશે. કોલશેત, ઢોકાળીથી માજીવાડા-માનપાડા વોર્ડ કમિટી તરફ જતા વાહનોને ઢોકાળી સિગ્નલ પર પ્રતિબંધિત કરવામાં આવશે. અહીંના વાહનો મનોરમનગર કે લોઢા બિઝનેસ ડિસ્ટ્રિક્ટ, બ્રહ્મહાંડ માર્ગે પરિવહન કરશે.