કેન્દ્રમાં નરેન્દ્ર મોદીનો કોઈ વિકલ્પ નથી; મહારાષ્ટ્રમાંથી કોઈ પ્રોજેક્ટ બહાર નથી જઈ રહ્યો: અજિત પવાર

પુણે: ભીમા-કોરગાંવ યુદ્ધ સ્મારક ખાતે શહીદોને અંજલિ આપવા આવેલા નાયબ મુખ્ય પ્રધાન અજિત પવારે પત્રકારો સાથે વાત કરતા રાજસ્થાન, મધ્યપ્રદેશ અને છત્તીસગઢમાં તાજેતરની વિધાનસભા ચૂંટણીમાં ભાજપની જીતનો ઉલ્લેખ કરતા કહ્યું કે દેશમાં વડા પ્રધાન નરેન્દ્ર મોદીનો કોઈ વિકલ્પ નથી. તેમના (પીએમ મોદી) હેઠળ, દેશનું નામ, ખ્યાતિ અને ગૌરવ વધી રહ્યું છે,' તેમણે કહ્યું. દરેકને નવા વર્ષની શુભેચ્છા પાઠવતા પવારે કહ્યું કે આ ચૂંટણીનું વર્ષ છે. આ વર્ષના અંતમાં લોકસભા અને મહારાષ્ટ્ર વિધાનસભાની ચૂંટણીઓ થવાની છે. સબમરીન પ્રોજેક્ટ્સ મહારાષ્ટ્રની બહાર જવાના અહેવાલો વિશે પૂછવામાં આવતા પવારે કહ્યું કે મુખ્ય પ્રધાન એકનાથ શિંદે પહેલેથી જ સ્પષ્ટતા કરી ચૂક્યા છે કે આવા અહેવાલોમાં કોઈ સત્ય નથી.પ્રોજેક્ટો મહારાષ્ટ્રની બહાર કેવી રીતે જશે? સીએમ, ડેપ્યુટી સીએમ તરીકે, શું અમે મૌન રહીશું? ખોટી માહિતી ફેલાવવાનો પ્રયાસ થઈ રહ્યો છે,’ તેમણે કહ્યું. (પીટીઆઈ)ઉ