એનસીપીનાં સાંસદે પીએમ મોદી જ નહીં, આ બે નેતાની કરી નાખી પ્રશંસા, જાણો શું આપ્યું નિવેદન
નવી દિલ્હીઃ સંસદનું વિશેષ સત્ર આજથી શરુ થયું છે. આ સત્રના પહેલા દિવસની કાર્યવાહી જૂના ભવનમાં સંપન્ન કરવામાં આવી હતી, જ્યારે આવતીકાલે નવા ભવનમાં કાર્યવાહી કરવામાં આવશે. આજની કાર્યવાહીનો અંતિમ દિવસ હતો. વડા પ્રધાન નરેન્દ્ર મોદીએ 75 વર્ષના ઈતિહાસની ગાથાનો ઉલ્લેખ કર્યો હતો, પરંતુ પીએમ મોદીના ભાષણની રાષ્ટ્રવાદી કોંગ્રેસ પાર્ટીનાં સાંસદ અને શરદ પવારનાં દીકરી સુપ્રિયા સુળેએ વડા પ્રધાન નરેન્દ્ર મોદી સાથે બીજા બે ભાજપના નેતાઓની પ્રશંસા કરી હતી.
મહારાષ્ટ્રના બારામતીનાં સાંસદ સુપ્રિયા સુળેએ સંસદમાં પીએમ નરેન્દ્ર મોદીના ભાષણની પ્રશંસા કરી હતી. આ દેશના નિર્માણમાં છેલ્લા 7 દાયકામાં વિવિધ લોકોએ યોગદાન આપ્યું છે જેને આપણે બધા સમાન રીતે પ્રેમ કરીએ છીએ. તમે તેને ઈન્ડિયા કહો કે ભારત તે તમારો પોતાનો દેશ છે. આપણે બધા અહીં જન્મ્યા છીએ. આપણે બધા અહીં આવીને ધન્યતા અનુભવીએ છીએ.
આગળ આ મુદ્દે સુપ્રિયા સુળેએ કહ્યું હતું કે હું એવા બે લોકોને રેકોર્ડ પર મૂકવા માંગુ છું જેમનો આજે ભાજપ દ્વારા ઉલ્લેખ કરવામાં આવ્યો નથી. વાસ્તવમાં હું મારા સંસદીય કાર્યમાં તેમનાથી ખૂબ પ્રભાવિત થઈ હતી. જેઓ અહીંથી આવે છે. ભાજપ પરંતુ મને હજુ પણ લાગે છે કે તેઓ સૌથી ઊંચા નેતાઓમાંના એક હતા અને અસાધારણ સંસદસભ્ય હતા એ હતા સુષ્મા સ્વરાજ અને અરુણ જેટલી. તેઓ સતત સહકારી સંઘવાદની વાત કરતા હતા. વાસ્તવમાં આ કે બીજી બાજુની વાત નથી, પણ સારા કામની સ્થાપના કરવી પડે છે, એમ તેમણે જણાવ્યું હતું.
સંસદના વિશેષ સત્રના પ્રથમ દિવસે સોમવારે જૂના સંસદ ભવનમાં લોકસભામાં તેમનું છેલ્લું ભાષણ આપતી વખતે વડા પ્રધાન નરેન્દ્ર મોદીએ દેશના પ્રથમ વડા પ્રધાન જવાહરલાલ નેહરુના તેમના પુરોગામી વડા પ્રધાન મનમોહન સિંહને દેશમાં આપેલા યોગદાનની પ્રશંસા કરી હતી.
14-15 ઓગસ્ટ 1947ની મધ્યરાત્રિએ બંધારણ સભામાં જવાહરલાલ નેહરુ દ્વારા આપવામાં આવેલા ઐતિહાસિક ભાષણ ‘ટ્રીસ્ટ વિથ ડેસ્ટિની’ને યાદ કરતા પીએમ મોદીએ કહ્યું હતું કે પંડિત નહેરુનું તે ભાષણ આપણને બધાને પ્રેરણા આપતું રહેશે. પીએમ મોદીએ પોતાના સંબોધનમાં સંસદના 75 વર્ષના ઐતિહાસિક યોગદાનને પણ ગૃહ સમક્ષ રજૂ કર્યું હતું.
