થાણે: થાણેમાં અજાણ્યા વાહને સ્કૂટરને અડફેટમાં લેતાં 21 વર્ષની મહિલાનું મૃત્યુ થયું હતું, એમ ટ્રાફિક પોલીસે જણાવ્યું હતું.
થાણેના નાગલા બંદર ખાતે શનિવારે રાતના 10 વાગ્યે આ ઘટના બની હતી, જેમાં મૃત્યુ પામેલી મહિલાની ઓળખ ગઝલ તુતેજા તરીકે થઇ હતી.
થાણેના ઘોડબંદર રોડ ખાતે રહેતી ગઝલ સ્કૂટર પર જઇ રહી હતી ત્યારે પાછળી આવી રહેલા વાહને તેના સ્કૂટરને ટક્કર મારી હતી. આ અકસ્માતમાં ગંભીર રીતે ઘવાયેલી મહિલાનું ઘટનાસ્થળે જ મોત થયું હતું અને તેના મૃતદેહને બાદમાં પોસ્ટમોર્ટમ માટે હોસ્પિટલમાં મોકલવામાં આવ્યો હતો.
કાસારવડવલી પોલીસ સ્ટેશનમાં આ પ્રકરણે ગુનો દાખલ કરવામાં આવ્યો હતો અને અકસ્માત બાદ ફરાર થયેલા વાહનચાલકની શોધ ચલાવાઇ હતી. (પીટીઆઇ)
