ફોરેક્સ ટ્રેડિંગ સ્કૅમમાં યુવકે 13.54 લાખ રૂપિયા ગુમાવ્યા…

થાણે: ફોરેક્સ ટ્રેડિંગમાં રોકાણ પર આકર્ષક વળતરની લાલચે અંબરનાથના 38 વર્ષના યુવક સાથે 13.54 લાખ રૂપિયાની છેતરપિંડી આચરવામાં આવી હતી.

Also read : શિક્ષણ વિભાગનું કામ ઓનલાઈન થશે: શાળા શિક્ષણ પ્રધાન દાદાજી ભૂસે

અંબરનાથના ચિકલોલી વિસ્તારમાં રહેનારો ફરિયાદી યુવક 2 અને 14 ફેબ્રુઆરી દરમિયાન કેટલાક લોકોના સંપર્કમાં આવ્યો હતો, જેમણે યુવકને તેમના મારફત ફોરેક્સ ટ્રેડિંગમાં રોકાણ કરવા માટે સમજાવ્યો હતો.

ફોરેક્સ ટ્રેડિંગમાં રોકાણ પર આકર્ષક વળતર મળશે, એવી ખાતરી આરોપીએ યુવકને આપી હતી. તેમની વાતો માનીને યુવકે વિવિધ બેન્ક અકાઉન્ટમાં 13.54 લાખ રૂપિયા ટ્રાન્સફર કર્યા હતા, પણ તેને રોકાણ પર કોઇ વળતર મળ્યું નહોતું.

Also read : સાયબર ઠગોએ હાઇ સિક્યુરિટી રજિસ્ટ્રેશન પ્લેટ્સ માટે ફૅક લિંક બનાવી: ગુનો દાખલ

દરમિયાન પોતે છેતરાયો હોવાનું ધ્યાનમાં આવતાં તેણે અંબરનાથ પોલીસનો સંપર્ક સાધ્યો હતો અને ફરિયાદ નોંધાવી હતી. આ ફરિયાદને આધારે પોલીસે ત્રણ આરોપી વિરુદ્ધ ગુનો દાખલ કર્યો હતો, જેમની ઓળખ અનુપ કમાલ, સોનિયા અને હમઝા ખાન તરીકે થઇ હતી. (પીટીઆઇ)