રાજ્યના પ્રથમ મહિલા ડેપ્યુટી સીએમ તરીકે સુનેત્રા પવારના શપથવિધિ માટે રાજભવન સજ્જ, પણ…

પવાર પરિવારની ગેરહાજરીની ચર્ચા

મુંબઈઃ મહારાષ્ટ્રના દિવંગત નાયબ મુખ્ય પ્રધાન અજિત પવારના પત્ની સુનેત્રા પવાર હવે નાયબ મુખ્ય પ્રધાનપદના શપથ લેવા જઈ રહ્યા છે. સાંજે 5.30 કલાકે આ શપથવિધિ સમારોહ યોજાશે અને એની સાથે જ મહારાષ્ટ્રને તેના પહેલાં મહિલા નાયબ મુખ્ય પ્રધાન મળશે. સુનેત્રા પવાર પણ શપથવિધિ સમારોહ માટે રાજભવન ખાતે પહોંચી ગયા છે અને રાજભવન પણ આ શપથવિધિ સમારોહ માટે સજ્જ થઈ ગયું છે ત્યારે ચાલો જોઈએ કેવી છે તૈયારીઓ…

રાજભવનમાં ગણતરીના લોકોની હાજરીમાં રાજ્યના નાયબ મુખ્ય પ્રધાનપદના શપથ લેશે, ત્યારે રાજભવનમાં આવેલો આ હોલ આવનારા મહેમાનો માટે એકદમ સજ્જ નજરે પડી રહ્યો છે.

શપથવિધિ લીધા બાદ સુનેત્રા પવાર મહારાષ્ટ્રના પહેલાં મહિલા નાયબ મુખ્ય પ્રધાન બની જશે

શપથવિધિ સમારોહ માટે રાજભવનમાં તાડામાર તૈયારીઓ હાથ ધરવામાં આવી રહી છે

આ શપથવિધિ સમારોહ ખૂબ જ સાદગીપૂર્ણ અને મર્યાદિત મહેમાનોની હાજરીમાં થશે

પવાર પરિવારમાંથી આ શપથવિધિ સમારોહમાં કોઈ સભ્ય હાજર નહીં રહે

એનસીપી (શરદ પવાર જુથ)ના વડા શરદ પવારે પણ આ સમારોહથી દૂર રહેવાનું પસંદ કરતાં રાજકીય વર્તુળોમાં ચર્ચાનો દોર શરુ થઈ ગયો છે