Auto-Taxi ચાલકોની મનમાની પર ‘લગામ’: RTOને ફરિયાદ માટે નંબર જારી
મુંબઈ: મુંબઈ સબર્બનના વિસ્તારોમાં રેલવે સ્ટેશનથી નજીના વિસ્તારમાં અવરજવર કરવામાં ઓટો-ટેક્સીચાલકો દ્વારા હંમેશાં મનાઈ કરવામાં આવે છે, ત્યારે વધતી ફરિયાદોને ધ્યાનમાં રાખીને તાજેતરમાં મુંબઈના મહત્ત્વના આરટીઓ (RTO) વિભાગ દ્વારા વોટસએપ નંબર જારી કરવામાં આવ્યો છે. આ મુદ્દે વારંવારની ફરિયાદો છતાં મુંબઈમાં ટેક્સી અને રિક્ષા ચાલકો પેસેન્જર ભાડાને નકારવાનું ચાલુ રાખે છે. આ અંગે નક્કર કાર્યવાહીના અભાવે મુસાફરોને સીધી અસર થઈ રહી છે.
મુંબઈમાં ભારે વરસાદ પડવાની શરૂઆત થતાં જ મુંબઈની લોકલ લાઈફલાઈન ધીમી પડી ગઈ છે, તેથી ઘણા પ્રવાસીઓ રોડ દ્વારા તેમના ઇચ્છિત ગંતવ્ય પર જવાનું પસંદ કરે છે. બેસ્ટની બસો સમયસર ઉપલબ્ધ ન હોવાથી મુસાફરો રિક્ષા અથવા ટેક્સીનો વિકલ્પ પસંદ કરે છે. ઘણા ખાનગી વાહનમાલિકો પણ ચોમાસામાં પોતાનું વાહન લઇ જવાને બદલે જાહેર પરિવહનનો વિકલ્પ પસંદ કરે છે.
જોકે, રિક્ષા, ટેક્સી ચાલકો નજીકમાં ભાડું આપવાનો ઇન્કાર કરતા હોવાથી મુસાફરોને ભારે હાલાકી ભોગવવી પડે છે. ખાસ કરીને ચોમાસા દરમિયાન રિક્ષા-ટેક્સી ચાલકો ભાડાંનો ઇન્કાર કરતા હોવાથી મુસાફરોની મુશ્કેલીમાં વધારો થાય છે. અગાઉ રિક્ષા-ટેક્સીએ નજીકના સ્થળોએ જવાની ના પાડી હતી. જો કે, હવે ઘણા વાહનચાલકો દૂર જવાની ના પાડી રહ્યા છે.
ઘણા ડ્રાઇવરો મુસાફરોની જાસૂસી કરવા, તેમની સાથે છેતરપિંડી કરવા અને તેમની પાસેથી નાણાંકીય ઉચાપત કરવાના ઇરાદાથી ભાડા સ્વીકારે છે. જેથી આવા વાહન ચાલકો સામે કાર્યવાહી થવી જોઈએ.
મુંબઈ ટ્રાફિક પોલીસ, વાહનવ્યવહાર વિભાગ મુસાફરો સાથે ગેરવર્તન કરનારા અને ભાડાનો ઇનકાર કરનારા રિક્ષા-ટેક્સી ચાલકો સામે પગલાં લેશે તેવી અપેક્ષા છે. વૉચડોગ ફાઉન્ડેશને જણાવ્યું હતું કે, રિક્ષા-ટૅક્સી ચાલકો વિરુદ્ધ ફરિયાદ કરવા માટે ટ્રાન્સપોર્ટ ડિપાર્ટમેન્ટનો વૉટ્સએપ નંબર રેલવે સ્ટેશન, બસ સ્ટેન્ડ, રિક્ષા-ટેક્સી સ્ટેન્ડ અને અન્ય ભીડવાળી જગ્યાઓ પર પોસ્ટ કરવો જોઈએ.
ફરિયાદ માટે વોટ્સએપ નંબર
તાડદેવ આરટીઓ – ૯૦૭૬૨૦૧૦૧૦
અંધેરી આરટીઓ – ૯૯૨૦૨૪૦૨૦૨
બોરીવલી આરટીઓ – ૮૫૯૧૯૪૪૭૪૭
વડાલા આરટીઓ – ૯૧૫૩૩૪૦૩૦૩
