મુંબઈઃ મુંબઈની લોકલ ટ્રેન એ મુંબઈની લાઈફલાઈન છે અને આ લાઈફલાઈનના મેઈન્ટેનન્સ માટે દર રવિવારે મેગા બ્લોક હાથ ધરવામાં આવે છે. આવતીકાલે એટલે કે 20મી જુલાઈના ત્રણેય લાઈન પર બ્લોક હાથ લેવામાં આવશે.
બ્લોકના સમયમાં લોકલ ટ્રેનોના ધાંધિયા રહેશે. જો તમે પણ આવતીકાલે બહાર જવાનું પ્લાનિંગ કરી રહ્યા હોવ તો પહેલાં આ સમાચાર વાંચી લો, જેથી તમારે હાલાકી ભોગવવાનો વારો ના આવે.
આપણ વાંચો: લોકલ ટ્રેનમાં પ્રવાસ કરો છો? આ સમાચાર વાંચીને ખુશીથી ઉછળી પડશો…
મળતી માહિતી પ્રમાણે મધ્ય રેલવે પર સવારે 11થી સાંજે 4 વાગ્યા સુધી સીએસએમટી-વિદ્યાવિહાર વચ્ચે અપ-ડાઉન સ્લો લાઈન પર મેગા બ્લોક હાથ ધરવામાં આવશે. જેને કારણે ઘાટકોપર-સીએસએમટી વચ્ચે અપ-ડાઉન સ્લો લોકલ અપ-ડાઉન ફાસ્ટ લાઈન પર દોડાવવામાં આવશે. જેને કારણે ટ્રેનો 10-15 મિનિટ મોડી પડશે.
હાર્બર લાઈન પર સીએસએમટી-ચુન્નાભટ્ટી અને બાંદ્રા વચ્ચે અપ-ડાઉન લાઈન પર સવારે 11.30 કલાકથી સાંજે 4.40 કલાક સુધી મેગા બ્લોક હાથ ધરવામાં આવશે. બ્લોક દરમિયાન વાશી- બેલાપુર, પનવેલ અને બાંદ્રા-ગોરેગાંવ વચ્ચે ટ્રેન વ્યવહાર સંપૂર્ણપણે બંધ રહેશે. પરિણામે આ સમયે પ્રવાસીઓએ કામ વિના પ્રવાસ કરવો નહીં એવી અપીલ રેલવે દ્વારા કરવામાં આવી છે.
આપણ વાંચો: આવતીકાલે લોકલ ટ્રેનમાં મુસાફરી કરવાના છો? પહેલાં આ વાંચી લો, નહીંતર…
પશ્ચિમ રેલવે પર આવતીકાલે બોરીવલી-ગોરેગાંવ વચ્ચે અપ-ડાઉન સ્લો લાઈન પર સવારે 10થી બપોરે 3 સુધી બ્લોક હાથ ધરવામાં આવશે. બ્લોકના સમય દરમિયાન બોરીવલી-ગોરેગાંવ વચ્ચે અપ-ડાઉન સ્લો લોકલ અપ-ડાઉન સ્લો લાઈન પર ડાયવર્ટ કરવામાં આવશે. બોરીવલીના પ્લેટફોર્મ નંબર 1, 2, 3 અને 4 પરથી એક પણ ટ્રેન નહીં રવાના થાય.
આ માહિતી તમારા મિત્રો અને પરિવારના સભ્યો સાથે શેર કરી દો ફટાફટ, જેથી તેઓ પણ આવતીકાલે બહાર જવાનું પ્લાનિંગ કરી રહ્યા હોય તો તેમણે હાલાકી ના ભોગવવી પડે. આવી જ બીજી માહિતી જાણવા માટે અમારી સાથે જોડાયેલા રહો…
