હાલ પૂરતા રાહત આપવા બેસ્ટે બસસેવા વધારી
મુંબઈ: મુંબઈનો એલ્ફિન્સ્ટન બ્રિજ તોડી પાડવાને કારણે આ બ્રિજ પરથી જનારી બેસ્ટની બસોને અન્ય રૂટ પર વાળવામાં આવી છે તો અમુક બસ બંધ કરી દેવામાં આવી છે. જોકે તેને કારણે મુંબઈગરાને ભારે હાલાકીનો સામનો કરવો પડી રહ્યો છે. જોકે અમુક બસ રૂટ બંધ કરી દેવાને કારણેે ૪૦ નંબરના રૂટ પર પ્રવાસીઓની સંખ્યા મોટા પ્રમાણમાં વધી ગઈ છે. દરરોજ નિર્માણ થનારી સમસ્યાને પગલે બેસ્ટ પ્રશાસને એક મહત્વનો નિર્ણય લીધો છે, જેમાં આ નંબરની રૂટની બસ સેવા વધારવામાં આવી છે.
પ્રભાદેવી બ્રિજ બંધ થવાને કારણે પ્રવાસી પર્યાયી માર્ગ શોધી રહ્યા છે પણ આ રૂટ મર્યાદિત છે. તેમ જ વરલી-શિવડી એલિવેટેડ રોડ માટે થનારા બાંધકામને કારણે પ્રભાદેવી પશ્ર્ચિમથી પરેલ-શિવડી તરફ જનારી બસ નંબર એ-૧૬૨, ૧૬૮, ૨૦૧ હવે ફક્ત પ્રભાદેવી સુધી જ જાય છે. તેથી દાદર પશ્ર્ચિમ તરફ જનારા વિદ્યાર્થીઓ અને નાગરિકો હવે બસ નંબર ૪૦માં પ્રવાસ કરીને વીર કોતવાલ ઉદ્યાન સુધી પ્રવાસ કરે છે અને આગળનો પ્રવાસ અન્ય બસથી કરવો પડે છે. તેથી આ રૂટ પર પ્રવાસીઓની સંખ્યામાં મોટો વધારો થયો છે.
આ પણ વાંચો…પ્રભાદેવી ખાતે સદી જૂના એલ્ફિન્સ્ટન રોડ બ્રિજને તોડવામાં વિલંબ, શું આવ્યું વિઘ્ન હવે?
