મુંબઈ: મ્યુનિસિપલ હોસ્પિટલોમાં કચરાપેટીને કારણે આસપાસ ફેલાતી દુર્ગંધ અને રખડતાં પ્રાણીઓની અવરજવરને કારણે દર્દીઓને પડતી સમસ્યાને ધ્યાનમાં રાખીને મુંબઈ મહાનગરપાલિકાએ હોસ્પિટલોમાં ભૂગર્ભ કચરાપેટીઓ સ્થાપિત કરવાનો નિર્ણય લીધો છે. શરૂઆતમાં, આ પ્રયોગ શહેરની ૧૫ હોસ્પિટલોમાં લાગુ કરવામાં આવશે અને તેની સફળતા પછી તેને શહેરની તમામ મ્યુનિસિપલ હોસ્પિટલોમાં વિસ્તારવામાં આવશે.
હાલમાં હોસ્પિટલમાં ત્રણ સેશનમાં સફાઈ કરવામાં આવે છે. આ કચરો હોસ્પિટલ પરિસરમાં વેસ્ટ ડબ્બામાં ફેંકવામાં આવે છે. આ કચરાપેટીની આસપાસના વિસ્તારમાં તીવ્ર દુર્ગંધ ફેલાય છે. ઉપરાંત, કૂતરા અને ઉંદરો કચરાપેટીની નજીક રહે છે. દર્દીઓ અને તેમના સંબંધીઓ પણ તેનાથી પરેશાન છે. હોસ્પિટલમાં ફેલાતી દુર્ગંધ અને રખડતાં પ્રાણીઓને કારણે થતી તકલીફને ધ્યાનમાં રાખીને મુંબઈ મ્યુનિસિપલ કોર્પોરેશનની હોસ્પિટલોમાં ભૂગર્ભ કચરાપેટીઓ સ્થાપિત કરવાનો નિર્ણય લેવામાં આવ્યો છે.
આ પ્રયોગ એક વર્ષ પહેલા વોર્ડ ‘એ’ માં કરવામાં આવ્યો હતો. ત્યાં પ્રયોગ સફળ થયો. તેથી, મુંબઈ શહેર અને ઉપનગરોમાં ભૂગર્ભ કચરાપેટીઓ સ્થાપિત કરવામાં આવશે.
