ઓવરહેડ વાયરનું કામ મિનિટોમાં, બ્લોક લેવાની પણ જરૂર નહીં પડે

મુંબઈ: લોકલ ટે્રનના સંચાલન દરમિયાન ઘણી વખત ટેકનિકલ ખામી સર્જાય છે. આ સમસ્યાઓને દૂર કરવા માટે રેલવે ટૅક્નોલૉજીનો મહત્તમ ઉપયોગ કરી રહી છે. ઘણી વખત સિગ્નલ નિષ્ફળ જવાના બનાવો બને છે અને ક્યારેક ઓએચઇ નિષ્ફળ જાય છે. તેમને રિપેર કરવામાં સમય લાગે છે.

રેલવેને બ્લોક લઈને તેનું સમારકામ કરવું પડે છે. હવે મધ્ય રેલવેએ ઓએચઇ નિષ્ફળતા શોધવા અને તેના પરિમાણો માપવા માટે એક નવો પ્રયોગ હાથ ધર્યો છે. આની મદદથી ઈમરજન્સી દરમિયાન ઓછા સમયમાં સમસ્યાઓ દૂર કરી શકાય છે અને ટે્રનોનું સંચાલન શરૂ કરી શકાય છે.

શું છે રેલવેની સમસ્યા?: મધ્ય રેલવેના મુંબઈ ડિવિઝનમાં લગભગ 555 રૂટ કિમી ટે્રકનું નેટવર્ક છે. આ ટે્રક ઉપરથી પસાર થતા ઓવરહેડ વાયરને દરરોજ રાત્રે ટાવર વેગનની મદદથી ચેક કરવામાં આવે છે. પરીક્ષણ પણ જરૂરી છે, કારણ કે આ વાયરોના ઘર્ષણની ગોઠવણી દિવસભર બદલાતી રહે છે. જો આ ફેરફારો ચોક્કસ પરિમાણ કરતાં વધી જાય, તો ટે્રનની કામગીરી દરમિયાન પૈંટોગ્રાફ વાયરમાં ફસાઈ જશે અને ટે્રનોનું સંચાલન ખોરવાઈ જશે.

શું છે રેલવેનો નવો પ્રયોગ?: રેલવેએ ઓએચઇના પરિમાણોને માપવા માટે એક હળવું મશીન બનાવ્યું છે. ટે્રનોના સંચાલન દરમિયાન પણ વ્યક્તિ તેને ઉપાડી શકે છે અને પરિમાણો ચકાસી શકે છે. આ સિસ્ટમમાં લેઝર ટૅક્નોલૉજી છે, જેને પાટા પર મૂકીને જ ચેક કરી શકાય છે.

જો પરિમાણોમાં કોઈ વિસંગતતા હોય, તો નિયંત્રણમાં બેઠેલા લોકો તેને મોબાઇલ એપ્લિકેશન અથવા કમ્પ્યુટર પર જોઈ શકે છે. જો સિસ્ટમમાં જીપીએસ પણ લગાવવામાં આવશે તો કંટ્રોલ રૂમને ફોલ્ટ સ્પોટનું વાસ્તવિક લોકેશન પણ મળી જશે. ટાવર વેગનને ફોલ્ટ સ્પોટ પર મોકલવામાં આવશે અને ટૂંક સમયમાં તેને સુધારવામાં આવશે. ઉ