મુંબ્રા બાયપાસ, શિલફાટા માર્ગ પર દિવસદરમિયાન ભારે વાહનો પર પ્રતિબંધ
થાણે: શિલફાટા, કલ્યાણફાટા વિસ્તારોમાં પ્રોજેક્ટના કામો અને ભારે વાહનોના ટ્રાફિકને કારણે ભીડને ટાળવા માટે થાણે ટ્રાફિક પોલીસે મુંબ્રા બાયપાસ, કલ્યાણફાટા, શિલફાટા માર્ગ પર દિવસના સમયે ભારે વાહનો પર પ્રતિબંધ લાદ્યો છે. આ ટ્રાફિકને વૈકલ્પિક રૂટ થાણે-બેલાપુર રૂટ, ઈસ્ટ એક્સપ્રેસ વે દ્વારા ડાયવર્ટ કરવામાં આવ્યો છે. આ પરિવહન ફેરફાર બે મહિના માટે માન્ય રહેશે. મુંબ્રા બાયપાસ, શિલફાટા ખાતે રાત્રે ૧૧ થી સવારે ૫ વાગ્યા સુધી ભારે વાહનોને ચલાવવાની મંજૂરી આપવામાં આવશે.
થાણે શહેરમાં બપોરે ૧૨ વાગ્યાથી ૪ વાગ્યા સુધી અને રાત્રે ૧૧ વાગ્યાથી સવારે ૫ વાગ્યા સુધી ભારે વાહનોને મંજૂરી આપવામાં આવી છે. આથી ઉરણ જેએનપીટી બંદરેથી નીકળતા હજારો ભારે વાહનો શિલફાટા, મુંબ્રા બાયપાસ થઈને ગુજરાત, નાસિક અને ભિવંડી તરફ જઈ રહ્યા છે.
બુલેટ ટ્રેન અને એમઆઇડીસી વોટર ચેનલ બદલવાનું કામ આગામી થોડા દિવસોમાં કરવામાં આવશે. તેથી ભીડને ટાળવા માટે, થાણે ટ્રાફિક પોલીસે શિલફાટા, મુંબ્રા બાયપાસ પરથી પસાર થતા ભારે વાહનો પર દિવસનો પ્રતિબંધ લાદ્યો છે. અહીં વાહનો કલંબોલી, સનપાડાથી થાણે-બેલાપુર થઈને પટની, ઐરોલી તરફ આનંદનગર ટોલ નાકા તરફ જશે. જેથી આ વૈકલ્પિક માર્ગ પર દ્વિધા સર્જાવાની શક્યતા છે. આ ટ્રાફિક ફેરફારો શનિવારથી આગામી બે મહિના માટે અમલમાં આવશે.
