મહારાષ્ટ્રમાં જલ્દી જ શિક્ષકોની ભરતીઃ શિક્ષણ પ્રધાનની જાહેરાત…
મુંબઈ: રાજ્યભરની શાળાઓમાં શિક્ષકો સહિત અન્ય વિવિધ જગ્યાઓ ખાલી છે. આ સંદર્ભે રચાયેલી સમિતિએ તાજેતરમાં સરકારને એક અહેવાલ સુપરત કર્યો છે.
આ અહેવાલ મુજબ, અનામતનો મુદ્દો ઉકેલવામાં આવનાર હોવાથી ભરતી પ્રક્રિયા ટૂંક સમયમાં શરૂ થશે અને ખાલી જગ્યાઓ તાત્કાલિક ભરવામાં આવશે.
શાળા શિક્ષણ પ્રધાન દાદા ભૂસેએ માહિતી આપી હતી કે અનામત મુજબ ભરતીમાં રમતગમત, કલા અને અન્ય વિષયોના શિક્ષકોને પ્રાથમિકતા આપવામાં આવશે. ‘શિક્ષણ વિભાગના અધિકારીઓએ ગ્રામ્ય સ્તરે શાળાઓની મુલાકાત લેવી જોઈએ.
આનાથી સ્થાનિક સ્તરે નાની સમસ્યાઓ વિશે માહિતી મેળવવામાં મદદ મળશે અને સમસ્યાઓનું સરળતાથી નિરાકરણ કરવામાં મદદ મળશે. શાળાઓને વધુ ભંડોળ ઉપલબ્ધ કરાવવામાં આવશે.
સ્થાનિક સ્તરે સીએસઆર ફંડ, ખનિજ વિકાસ ભંડોળ અને અન્ય સ્ત્રોતોમાંથી પણ ભંડોળ ઉપલબ્ધ કરાવી શકાય છે. ધોરણ ૪ અને ૭ માટે શિષ્યવૃત્તિ પરીક્ષા ફરી શરૂ કરવાની યોજના છે, તેમણે કહ્યું.
વધુમાં તેમણે નિર્દેશ આપ્યો હતો કે શૈક્ષણિક કાર્ય આ મહિનાના અંત સુધીમાં પૂર્ણ કરવામાં આવે. આ પ્રસંગે વિવિધ સંગઠનોએ શિક્ષણ પ્રધાન ભૂસેને મળીને નિવેદન આપ્યું હતું.
આ પણ વાંચો…શિક્ષણ વિભાગનું કામ ઓનલાઈન થશે: શાળા શિક્ષણ પ્રધાન દાદાજી ભૂસે
