(અમારા પ્રતિનિધિ તરફથી)
મુંબઈ: મહારાષ્ટ્ર ગૃહ વિભાગે 51 ભારતીય પોલીસ સેવા (આઈપીએસ) અધિકારીઓ અને 81 રાજ્ય પોલીસ સેવા અધિકારીઓની બદલી કરી છે, જેમાં મુંબઈ અને પુણે જેવા મુખ્ય શહેરોમાં તહેનાત અધિકારીઓનો સમાવેશ થાય છે.
પુણેમાં શસ્ત્ર નિરીક્ષણ શાખામાં પોલીસ સુપરિન્ટેન્ડેન્ટ રહેલા તેજસ્વી સાતપુતેની રાજ્ય રિઝર્વ પોલીસ દળ (એઆરપીએફ) ગ્રુપ વન પુણેના કમાન્ડર તરીકે બદલી કરવામાં આવી છે, એમ શુક્રવારે એક અધિકારીએ જણાવ્યું હતું.
આપણ વાંચો: ગેરકાયદે બાંધકામો તોડનાર અધિકારીઓની બદલી કેમ? પાલિકાના એન્જિનિયરો ભડક્યા
ડેપ્યુટી કમિશનર ઓફ પોલીસ (ડીસીપી) મહેન્દ્ર પંડિતની થાણે શહેરથી મુંબઈમાં બદલી કરવામાં આવી છે.
ડેપ્યુટી કમિશનર ઓફ પોલીસ સ્મર્તાના પાટિલની પુણેથી પોલીસ તાલીમ કેન્દ્ર, ખંડાલામાં બદલી કરવામાં આવી છે, જ્યારે ડીસીપી (ટ્રાફિક) અમોલ ઝેન્ડેની પણ એસઆરપીએફ દૌંડના કમાન્ડર તરીકે બદલી કરવામાં આવી છે.
કોલ્હાપુરના પોલીસ સુપરિન્ટેન્ડેન્ટ તુષાર પાટિલને મુંબઈમાં ડીસીપી તરીકે નિયુક્ત કરવામાં આવ્યા છે. ઉપરાંત, વિજય પવાર, સુનિલ લોખંડે, નમ્રતા પાટિલ અને સ્મિતા પાટિલને મુંબઈમાં ડેપ્યુટી પોલીસ કમિશનર તરીકે નિયુક્ત કરવામાં આવ્યા છે.
એક અધિકારીએ જણાવ્યું હતું કે પાંચ આઈપીએસ અધિકારીઓને બઢતી આપવામાં આવી છે અને તેમને મુંબઈમાં ડેપ્યુટી પોલીસ કમિશનર તરીકે નિયુક્તિ આપવામાં આવી છે.
