આમચી મુંબઈ

ગુડ ન્યુઝઃ મુંબઈ મેટ્રો 3નો પ્રથમ તબક્કો જુલાઇ સુધીમાં શરૂ થશે


બાંધકામના સાડા છ વર્ષ પછી, મુંબઈમાં લાંબા સમયથી રાહ જોવાતો કફ પરેડ-બીકેસી-સીપ્ઝ મેટ્રો 3 કોરિડોર હવે ઓપરેશનલ તબક્કાના આરે આવી પહોંચ્યો છે. મેટ્રો સત્તાવાળાઓ સિદ્ધિવિનાયક અથવા દાદર સ્ટેશન સુધી ટ્રાયલ રન લેવાનું વિચારી રહ્યા છે. દાદર સ્ટેશન સુધી ઓવરહેડ ઇલેક્ટ્રિફિકેશન (OHE) અને ટ્રેક નાખવા જેવા મુખ્ય માળખાકીય કાર્યો પૂર્ણ કરવામાં આવ્યા છે.

MMRCL દ્વારા નક્કી કરવામાં આવ્યા મુજબ કફ પરેડ-બીકેસી-સીપ્ઝ મેટ્રો 3 કોરિડોરને ત્રણ તબક્કામાં ખોલવામાં આવશે. પ્રથમ તબક્કો સીપ્ઝ-બીકેસીને આવરી લે છે, બીજો તબક્કો વરલી સુધી વિસ્તરેલો છે અને અંતિમ તબક્કો કફ પરેડ સુધી પહોંચે છે. મેટ્રો 3 લાઇનનો પ્રથમ તબક્કો હવે જૂન-જુલાઈ સુધીમાં કાર્યરત થવાની ધારણા છે.

યા વર્ષના અંતથી, આરે અને BKC વચ્ચે મેટ્રો-3ની સંકલિત ટ્રાયલ રન ચાલી રહી છે. આરે અને BKC વચ્ચેના પ્રથમ તબક્કામાં મેટ્રો સેવા શરૂ કરવા માટેની તમામ જરૂરી પરવાનગીઓ આગામી બે મહિનામાં મળવાની અપેક્ષા છે. રબાદ, BKC થી કફ પરેડને આવરી લેતો તબક્કો II ઓક્ટોબર સુધીમાં કાર્યરત થવાનું છે. પ્રથમ તબક્કામાં સીપ્ઝથી બીકેસી સુધીના આઠ સ્ટેશનોનો સમાવેશ થાય છે, જ્યારે બીજા તબક્કામાં ધારાવીથી વરલી સુધીના છ સ્ટેશનનો સમાવેશ થાય છે. ત્રીજા તબક્કામાં વર્લી અને કફ પરેડ વચ્ચે 11 સ્ટેશન હશે.

Show More

Related Articles

Leave a Reply

Your email address will not be published. Required fields are marked *

Back to top button
સાચી રીતે નહાવાની રીત જાણો છો? એક કિડની પર કેટલા સમય જીવી શકાય? જાણો Experts શું કહે છે… Waterproof મેકઅપ આ રીતે કરો આજે દેવસુતી એકાદશી પર કરો આ ઉપાય અને મેળવો મા લક્ષ્મીની કૃપા…