(અમારા પ્રતિનિધિ )
મુંબઈ: ધારાવી નેચર પાર્ક પાસે સોમવારે રાત્રે એક ટ્રકમાં ગેસ સિલિન્ડર ફાટવાના કારણે આગ લાગી હતી. આગમાં ટ્રક બળીને ખાખ થઈ ગયો. ફાયર બ્રિગેડ સમયસર ઘટનાસ્થળે પહોંચી ગઈ હતી અને આગ પર કાબુ મેળવ્યો હતો. મોટી દુર્ઘટના ટળી ગઈ અને જાનહાનિ થઈ નહોતી.
ડિઝાસ્ટર મેનેજમેન્ટના તરફથી મળેલી માહિતી અનુસાર, સોમવારે રાત્રે લગભગ 9.45 વાગ્યે ધારાવીના પીએનજી કોલોનીના 90 ફૂટ રોડ પર આવેલા નિસર્ગ ઉદ્યાન પાસે એક ટ્રકમાં ગેસ સિલિન્ડરમાંથી ગેસ લીકેજ થવાને કારણે ભીષણ આગ લાગી હતી. આ આગ ધીમે ધીમે ફેલાઈ ગઈ. પરિણામે, ટ્રક બળીને ખાખ થઈ ગયો. અકસ્માતની માહિતી મળતાં જ સ્થાનિક પોલીસ અને ફાયર બ્રિગેડ ઘટનાસ્થળે દોડી ગયા હતા અને યુદ્ધના ધોરણે આગ ઓલવવાનો પ્રયાસ કર્યો હતો.
આ પણ વાંચો : કોલસાથી પ્રદૂષણ થાય છે કે નહીં નક્કી કરોઃ હાઇ કોર્ટે પ્રદૂષણ નિયંત્રણ બોર્ડને લગાવી ફટકાર
આ સમયે, માર્ગ ટ્રાફિકને કંઈક અંશે અસર થઈ હતી. જોકે, ફાયર ફાઇટરોએ ભારે જહેમત બાદ મોડી રાત્રે આગ પર કાબુ મેળવ્યો હતો. આમ, વધુ દુર્ઘટના ટળી ગઈ. સદનસીબે, અકસ્માતમાં કોઈને ઈજા થઈ નથી. જોકે, ટ્રક સંપૂર્ણપણે બળીને ખાખ થઈ ગયો હતો.
પોલીસ અને અગ્નિશામક દળ આગનું કારણ અને કેવી રીતે લાગી તેની તપાસ કરી રહ્યા છે
