Chief Ministerના વર્ષા બંગલે અડધી રાત્રે, બંધ બારણે શું ચર્ચા થઈ?

મુંબઈઃ મહારાષ્ટ્રના મુખ્ય પ્રધાન એકનાથ શિંદેના વર્ષા બંગલો પર સૌની નજર રહેવાની જ. તેવામાં મંગળવારે મધ્યરાત્રિએ મુખ્યમંત્રી એકનાથ શિંદે અને નાયબ મુખ્યમંત્રી દેવેન્દ્ર ફડણવીસ અને અજિત પવારે વર્ષા બંગલામાં બેઠક યોજાઈ હતી. અંદાજે દોઢથી બે કલાક ચાલેલી આ બંધ બારણે બેઠકમાં રાજ્યના રાજકારણ સહિત અનેક મહત્વના મુદ્દાઓ પર ચર્ચા થઈ હોવાનું જાણવા મળ્યું છે. વિધાનસભાનનું બજેટ સત્ર શરૂ થનાર છે ત્યારે બજેટ બાદ વિપક્ષની ટીકાઓનો સામનો કઈ રીતે કરવો તે અંગે પણ ચર્ચા થઈ હોવાનું માનવામાં આવે છે.

શુક્રવારથી રાજ્ય વિધાનસભાનું બજેટ સત્ર શરૂ થઈ રહ્યું છે. રાજ્યમાં લોકસભાની ચૂંટણીમાં મળેલી સફળતાને કારણે મહાવિકાસ અઘાડીનો આત્મવિશ્વાસ વધશે. મહાવિકાસ આઘાડી આક્રમક બનશે તે વાત મહાયુતિ સારી પેટે જાણે છે. વિરોધીપક્ષ વિવિધ મોરચે આક્રમક બનશે. તેઓ સરકારને મુંઝવણમાં ફસાવવાનો પ્રયાસ કરશે. મહાગઠબંધન તરીકે તેની સાથે કેવી રીતે વ્યવહાર કરવો? સૂત્રોએ માહિતી આપતાં જણાવ્યું હતું કે વિરોધીઓને જડબાતોડ જવાબ કેવી રીતે આપવો તે અંગે ચર્ચા થઈ હતી.

રાજ્ય વિધાનસભાની ચૂંટણી પહેલા રાજ્ય વિધાનસભાનું છેલ્લું બજેટ સત્ર છે.
મહાયુતિના ત્રણ પક્ષો એટલે કે ભાજપ, શિવસેના (શિંદેજૂથ) અને એનસીપી (અજિત પવાર જૂથ) વચ્ચે વિવાદ ટાળવો જોઈએ. આ બેઠકમાં તમામ નિર્ણયો સમન્વયથી લેવા જોઈએ તેવી ચર્ચા કરવામાં આવી હતી. સત્ર દરમિયાન વિધાન પરિષદની ચાર બેઠકોના પરિણામો જાહેર કરવામાં આવશે. તેની અસર સત્રમાં જોવા મળશે. મહાયુતિ પાસે વિધાન પરિષદમાં બહુમતી છે.

દરમિયાન એનસીપી અને શિવસેનામાંથી બળવો કરી નવા પક્ષમાં જોડાયેલા ઘણા વિધાનસભ્યો મૂળ પક્ષના નેતાઓનો સંપર્ક કરી રહ્યા હોવાની ખબરે અજિત પવાર અને એકનાથ શિંદે સહિત ભાજપની ઊંઘ પણ હરામ કરી છે. વિધાનસભાના સત્ર દરમિયાન રાજકીય માહોલ ગરમાયેલો રહેશે અને ત્યારબાદ ચૂંટણીની તૈયારીઓ શરૂ થશે.

Also Read –