આમચી મુંબઈ
મહારાષ્ટ્ર વિધાનસભાના સ્પીકરનું ઈ-મેલ આઈડી હૅક, ગુનો નોંધાયો
મુંબઈ: દેશમાં રાજકારણ અને તેનાથી જોડાયેલા લોકોના ઈ-મેલ એકાઉન્ટ અને સોશિયલ મીડિયા હૅક કરવાની ઘટનામાં વધારો થયો છે. આવો જ એક બનાવ મહારાષ્ટ્ર વિધાનસભાના અધ્યક્ષ રાહુલ નાર્વેકર સાથે બન્યો હતો.
સૂત્રોએ આપેલી માહિતી મુજબ મહારાષ્ટ્રના વિધાનસભા અધ્યક્ષ રાહુલ નાર્વેકરનું ઈ-મેલ આઈડી હેક કરવામાં આવ્યું હતું.
નાર્વેકરના ઈ-મેલને હૅક કરીને તે અકાઉન્ટથી મહારાષ્ટ્રના રાજયપાલ રમેશ બૈસને મેલ કરવામાં આવ્યા હતો. આ મામલે રાહુલ નાર્વેકરે મરીન લાઇન્સ પોલીસ સ્ટેશનમાં ગુનો નોંધવાયો હતો.
રાહુલ નાર્વેકરના ઈ-મેલથી કથિત રીતે રાજયપાલને કરવામાં આવેલા મેલને નાર્વેકરે નકારી કાઢ્યા હતા તેમ જ ગવર્નર દ્વારા નાર્વેકરે આવા કોઈ પણ મેલ નહીં મોકલાવવામાં આવ્યા હોવાનું કહેવામાં આવ્યું હતું.
જોકે વિધાનસભા સત્રમાં અમુક વિધાનસભ્યોએ આ બાબતે કાર્યવાહી કરવાની માગણી પણ કરી હતી.
