આમચી મુંબઈટોપ ન્યૂઝ

‘મહારાષ્ટ્રમાં NDA માટે જીતવું સરળ નહીં રહે…’ છગન ભુજબળે આવું કેમ કહ્યું

મુંબઈ: લોકસભા ચૂંટણી 2024 (Loksabha Election)માટે બે તબક્કાનું મતદાન થઈ ચુક્યું છે, દરમિયાન દરેક રાજકીય પક્ષો જીતના દાવા કરી રહ્યા છે. ભારતીય જનતા પાર્ટી(BJP)ની અઆગેવાની હેઠળનું NDA ગઠબંધન ‘અબકી બાર 400કે પાર’નો નારો આપી રહ્યું છે, ત્યારે કોંગ્રેસ અને INDIA ગઠબંધન પણ ભાજપને પણ પછાડી રહ્યો છે. NCP(અજીત પવાર જૂથ)ના વરિષ્ઠ નેતા છગન ભુજબળ(Chhagan Bhujbal)નું કહેવું છે કે મહારાષ્ટ્રમાં NDAને અગાઉ મળેલી જીત જેવી જીત નહીં મળે, કેમકે આ વખતે ઉદ્ધવ ઠાકરે અને શરદ પવાર છે તરફેણમાં સહાનુભૂતિની લહેર.

એક ટીવી ચેનલ સાથે વાત કરતા છગન ભુજબલે કહ્યું કે NDAને મહારાષ્ટ્રમાં જીતવું 2014 અને 2019માં એટલું સરળ નહીં હોય, જ્યારે તેણે 48માંથી 41 લોકસભા બેઠકો જીતી હતી. NCPમાં બળવાખોરીમાં અજિત પવારની સાથે મોખરે રહેલા છગન ભુજબળે કહ્યું, “હું માનું છું કે સહાનુભૂતિની લહેર છે, જે રીતે શિવસેના વિભાજિત થઈ ગઈ અને NCPના એક જૂથે પણ બળવો કર્યો. જોકે તેમની રેલીઓમાં દેખાઈ રહ્યું છે કે તેઓ 2014 અને 2019ની જેમ નિષ્ફળ રહ્યા છે.’છગન ભુજબળે કહ્યું, “જો કે, લોકોને હજુ પણ નરેન્દ્ર મોદીમાં વિશ્વાસ છે અને તેઓ ઈચ્છે છે કે તેઓ મજબૂત સરકાર બનાવે.”

શરદ પવારના ગઢ બારામતીમાં તેમની પુત્રી સુપ્રિયા સુલે અને અજિત પવારની પત્ની સુનેત્રા વચ્ચેની ચૂંટણી જંગ વિશે તેમણે કહ્યું, “મારા માટે પણ એ દુઃખની વાત છે કે જે લોકો આટલા વર્ષોથી એક જ ઘરમાં સાથે રહેતા હતાં… જે થઈ રહ્યું છે તે ઘણા લોકોને પસંદ નથી. કોનો વાંક છે તે અલગ વાત છે… પરંતુ જે થયું એ ના થયું હોત તો સારું હોત.”

ભુજબળે કહ્યું કે, ” બંધારણ અંગે વિપક્ષનું અભિયાન જોરશોરથી ચાલી રહ્યું છે. રાહુલ ગાંધી ભાજપ પર બંધારણ બદલવાના આરોપ લગાવી રહ્યા છે અને કર્ણાટકના એક બીજેપી સાંસદએ પણ આ વાત કહી હતી. જો કે પીએમ મોદીએ વારંવાર એવું કહ્યું છે કે, બંધારણ મજબૂત છે અને ખુદ બીઆર આંબેડકર પણ તેને બદલી શકતા નથી, પરંતુ આ સંદેશ લોકો સુધી પહોંચી રહ્યો છે જ્યારે મતપેટીઓ ખોલવામાં આવશે ત્યારે જ તેની અસર દેખાશે.’

ભાજપ, એકનાથ શિંદેની શિવસેના અને અજિત પવારની એનસીપી બેઠક વહેંચણીની ચર્ચાઓ વચ્ચે ભુજબળ શુક્રવારે નાસિકથી ટિકિટની રેસમાંથી બહાર નીકળી ગયા હતા. નાસિક સૌથી વિવાદાસ્પદ બેઠક પૈકીની એક છે. ઉમેદવારની જાહેરાત થવાની બાકી છે અને સાથી પક્ષો વચ્ચે મતભેદ ચાલી રહ્યા છે, જેમાં ભાજપના નેતા પંકજા મુંડે અને મુખ્ય પ્રધાન શિંદે વિરોધાભાસી ટિપ્પણીઓ કરવામાં આવી રહી છે. આ અંગે ભુજબળે કહ્યું કે તેમણે ટિકિટ માંગી નથી.

તેમણે કહ્યું કે, “જ્યારે નારાયણ રાણેના નામની પણ જાહેરાત કરવામાં આવી હતી (રત્નાગિરી-સિંધુદુર્ગ બેઠક માટે), ત્યારે મને લાગ્યું કે તેઓ મને ટીકીટ આપવા માંગતા નથી. પછી મેં કહ્યું કે હું ચૂંટણી લડવા માંગતો નથી. જો મારે ચૂંટણી લડવી હોય તો , હું સન્માન સાથે ચૂંટણી લડવા માંગુ છું, મને ટિકિટ માંગવાનું પસંદ નથી.’

Show More

Related Articles

Leave a Reply

Your email address will not be published. Required fields are marked *

Back to top button
Sensorineural hearing lossના આ છે લક્ષણો અંડરવર્લ્ડ દ્વારા ધમકી આપવામાં આવેલી બોલિવૂડ સેલિબ્રિટીઓની યાદી રેલવે અકસ્માતમાં મૃત્યુ થાય તો કેટલું વળતર મળે chinese-crested-dog લાગે છે કેટલા ક્યૂટ