મુંબઈ મહાનગરપાલિકાની મતગણતરીમાં જોગેશ્વરીનો વોર્ડ નંબર 73 સૌથી વધુ ચર્ચામાં રહ્યો છે. અહીં શિવસેના (UBT) ના ઉમેદવાર લોના રાવતે શિંદે જૂથના વગદાર નેતા અને સાંસદ રવિન્દ્ર વાયકરની દીકરી દિપ્તી વાયકર-પોતનીસને પરાજિત કરીને ભવ્ય વિજય મેળવ્યો છે.
ચૂંટણીના આંકડાકીય પરિણામો
વોર્ડ નંબર 73 માં રસાકસીભરી જંગ બાદ લોના રાવતે દિપ્તી વાયકરને પરાજિત કરીને જીત મેળવી છે:
લોના રાવત (Shiv Sena UBT): 13,424 મત
દિપ્તી વાયકર-પોતનીસ (Shiv Sena – Shinde): 10,293 મત
જીતનું અંતર: 2,501 મત
વાયકર પરિવાર માટે સતત ત્રીજો આંચકો
રવિન્દ્ર વાયકર માટે આ પરિણામ વ્યક્તિગત રીતે મોટો આંચકો માનવામાં આવે છે. રાજકીય વિશ્લેષકો આ પરાજયને વાયકર પરિવારની આ વિસ્તારમાં ઘટતી જતી પકડ તરીકે જોઈ રહ્યા છે:
જોગેશ્વરીમાં વાયકર પરિવાર માટે પરિસ્થિતિ ચિંતાજનક
2024ની લોકસભાની ચૂંટણીમાં રવિન્દ્ર વાયકર પોતે માત્ર 48 મતોના નજીવા અંતરથી વિજયી થયા હતા. 2024ની વિધાનસભાની ચૂંટણીમાં રવિન્દ્ર વાયકરના પત્ની મનીષા વાયકરનો આ જ વિસ્તારમાંથી પરાજય થયો હતો. હવે તેમની પુત્રી દિપ્તી વાયકરનો પરાજય થતા શિંદે જૂથ માટે જોગેશ્વરીમાં સ્થિતિ ચિંતાજનક બની છે.
લોના રાવતની જિત છે મહત્ત્વની
લોના રાવતની આ જીત શિવસેના (UBT) માટે મનોબળ વધારનારી સાબિત થઈ છે. ઉદ્ધવ ઠાકરે જૂથે આ બેઠક જીતીને સાબિત કર્યું છે કે મુંબઈના ગ્રાઉન્ડ લેવલ પર હજુ પણ તેમની પકડ મજબૂત છે. દિપ્તી વાયકરે આ ચૂંટણી દ્વારા રાજકારણમાં સક્રિય થવાનો અને પિતાનો વારસો આગળ ધપાવવાનો પ્રયાસ કર્યો હતો, પરંતુ મતદારોએ પરિવર્તન પર પસંદગી ઉતારી છે.
આપણ વાંચો: અજિત પવારને મોટો ફટકો: નવાબ મલિકના ભાઈ કપ્તાન મલિકની કારમી હાર, જાણો કારણ?
