કમાઠીપુરા હાઉસિંગ પ્રોજેક્ટના પુન:વિકાસ તરફ એક પગલું

સલાહકારની નિમણૂક કરવા રાજ્યની મંજૂરી

મુંબઈ: કમાઠીપુરા હાઉસિંગ પ્રોજેક્ટના પુન:વિકાસ તરફ એક પગલું આગળ વધતા, રાજ્યની ઉચ્ચસ્તરીય સમિતિએ પ્રોજેક્ટનો વિગતવાર પ્રોજેક્ટ રિપોર્ટ તૈયાર કરવા માટે સલાહકારની નિમણૂક કરવાની મંજૂરી આપી છે. ક્નસલ્ટન્ટ દરખાસ્ત માટે વિનંતી પણ તૈયાર કરશે જેના પછી 27.59 એકર જમીનમાં ફેલાયેલા શહેરના સૌથી મોટા ક્લસ્ટર રિડેવલપમેન્ટ પ્રોજેક્ટ માટે બિડિગ પ્રક્રિયા શરૂ કરવામાં આવશે. પ્રોજેક્ટના ઝડપી અમલીકરણ માટે, રાજ્યએ એક ઉચ્ચસ્તરીય સમિતિની રચના કરી છે જે પ્રોજેક્ટ સંબંધિત તમામ દરખાસ્તોને ક્લિયર કરશે; ડીપીઆર તપાસ; વિકાસકર્તાની નિમણૂક, નિયમિત સમયાંતરે સમીક્ષા અને વિવિધ સરકારી વિભાગો વચ્ચે સંકલન કરશે . તેણે મુખ્ય સચિવની અધ્યક્ષતામાં દસ સભ્યોની પ્રોજેક્ટ મોનિટરિગ કમિટીની પણ રચના કરી છે જે પ્રોજેક્ટ સંબંધિત મુદ્દાઓ, મુશ્કેલીઓ અને વિવાદોને ઉકેલવામાં મદદ કરશે. હાઉસિંગ વિભાગના અધિક મુખ્ય સચિવ વલ્સા નાયર સિંઘ, જેઓ ઉચ્ચસ્તરીય સમિતિનું પણ નેતૃત્વ કરી રહ્યા છે જણાવ્યું હતું કે તાજેતરની બેઠકમાં, ઉચ્ચસ્તરીય સમિતિએ સલાહકારની નિમણૂક કરવાની મંજૂરી આપી છે જે ડીપીઆર અને આરએફપી દસ્તાવેજો તૈયાર કરશે. રાજ્ય સરકાર દ્વારા મંજૂર કર્યા પછી બિડિગ પ્રક્રિયા શરૂ કરવાનો માર્ગ મોકળો થશે.

મુંબઈ બિલ્ડિંગ રિપેર એન્ડ રિક્નસ્ટ્રક્શન બોર્ડ (એમબીઆરઆરબી)ના ચીફ એક્ઝિક્યુટિવ ઓફિસર અણ ડોંગરેએ જણાવ્યું હતું કે, સરકાર એકવાર ડીપીઆર મંજૂર કરે, પછી આગળ તે મુજબ કાર્યવાહી કરવામાં આવશે.