અગિયારમા ધોરણની ઓનલાઈન પ્રવેશ પ્રક્રિયામાં 12.71 લાખ વિદ્યાર્થી નોંધાયા

મુંબઈ: રાજ્યમાં 2025-26થી કેન્દ્રીય ઓનલાઈન સિસ્ટમ દ્વારા ધોરણ 11 માટે ઉચ્ચતર માધ્યમિક શાળાઓમાં પ્રવેશ અમલમાં મૂકવામાં આવી રહ્યો છે. આજની અંતિમ તારીખ સુધીમાં આ પ્રક્રિયામાં કુલ 12,71,295 વિદ્યાર્થી નોંધાયા છે, એમ આચાર્ય (માધ્યમિક અને ઉચ્ચતર માધ્યમિક) ડો. શ્રીરામ પાંઝાડેએ માહિતી આપી હતી.

રાજ્યમાં 9,435 જુનિયર કોલેજો/ઉચ્ચતર માધ્યમિક શાળાઓએ આ પ્રક્રિયા માટે પ્રથમ રાઉન્ડમાં નોંધણી કરાવી છે. આમાં, કુલ વિદ્યાર્થી પ્રવેશ ક્ષમતા 21,23,040 છે, જેમાંથી કેપ રાઉન્ડ માટે પ્રવેશ ક્ષમતા 18,97,526 છે અને ક્વોટા પ્રવેશ ક્ષમતા 2,25,514 છે. આ માટે વેબસાઈટ પર રજિસ્ટ્રેશન કરાવી શકો.

12,15,190 વિદ્યાર્થીએ ઓનલાઇન નોંધણી ફી જમા કરાવી છે. 12,05,162 વિદ્યાર્થીઓએ અરજી ભાગ-1 ભરી છે. જ્યારે, 11,29,924 વિદ્યાર્થીઓએ અરજી ભાગ-2 ભરીને તેને અંતિમ સ્વરૂપ આપ્યા પછી લોક કરી છે.

આ પણ વાંચો: 11મા ધોરણની પ્રવેશ પ્રક્રિયા માટે અરજીની નોંધ 26 મેથી શરૂ થશે

11,29,932 વિદ્યાર્થીઓએ નિયમિત રાઉન્ડ (કેપ રાઉન્ડ) માટે અરજી કરી છે. 64,238 વિદ્યાર્થીઓએ ઇન-હાઉસ ક્વોટા માટે અરજી કરી છે. 32,721 વિદ્યાર્થીઓએ મેનેજમેન્ટ ક્વોટા માટે અરજી કરી છે. 47,578 વિદ્યાર્થીઓએ લઘુમતી ક્વોટા માટે અરજી કરી છે.

સમયપત્રક મુજબ, શૂન્ય રાઉન્ડ મેરિટ લિસ્ટ 8 જૂન 2025ના રોજ જાહેર કરવામાં આવશે અને જુનિયર કોલેજમાં સીધો પ્રવેશ 9 જૂનથી 11 જૂન 2025 દરમિયાન યોજાશે. તેવી જ રીતે, કેપ રાઉન્ડની મેરિટ લિસ્ટ 10 જૂન 2025ના રોજ જાહેર કરવામાં આવશે અને જુનિયર કોલેજમાં સીધો પ્રવેશ 11 જૂનથી 18 જૂન 2025 દરમિયાન યોજાશે.