આમચી મુંબઈ
ફેબ્રુઆરીમાં મુંબઈમાં વેચાયા ૧૧,૮૩૬ મકાન: છેલ્લાં ૧૨ વર્ષનો રેકોર્ડ બ્રેક
મુંબઈ: મુંબઈમાં ૧૧,૮૩૬ મકાનોનું ફેબ્રુઆરીમાં વેચાણ કરવામાં આવ્યું છે. રાજ્ય સરકારને આ મકાનની સ્ટેમ્પ ડ્યુટી રૂપે રૂ. ૮૬૯ કરોડની આવક થઈ છે. જાન્યુઆરીની સરખામણીએ ફેબ્રુઆરીમાં ઘરનું વેચાણ વધ્યું છે અને છેલ્લા ૧૨ વર્ષમાં, ફેબ્રુઆરી મહિનામાં સૌથી વધુ મકાનોનું વેચાણ થયું છે.
નવા વર્ષની શરૂઆતમાં જાન્યુઆરીમાં ૧૦,૯૬૭ ઘરો વેચાયા હતા, જેમાંથી રાજ્ય સરકારને રૂ. ૭૬૦ કરોડની આવક થઈ હતી. ફેબ્રુઆરીમાં ૧૧,૮૩૬ મકાનો વેચાયા અને રાજ્ય સરકારને રૂ. ૮૬૯ કરોડ રૂપિયાની આવક થઈ.
નવા વર્ષના પ્રથમ બે મહિનામાં ૧૦,૦૦૦થી વધુ મકાનોનું વેચાણ થયું છે અને બાંધકામ ઉદ્યોગને આશા છે કે ભવિષ્યમાં મકાનોના વેચાણમાં વધુ વધારો થશે.
